CDF ZOPHEI NIH MIPI SIN AH THAWNG THANHNAK AN TUAH CANG

CDF Zophei an dirh cang. Hi konghe pehtlaiin CDF Zophei nih thanhnak an tuahmi cu, Myanmar ram ralhrang phu nih November 8,2028 thimnak ah mipi nih thimmi mipi Cozah phu hruaitu hna cu phungning loin an tlaihkhih hna i, February 1 ah hramhram in uknak an laak. Cu an tuahsernak ruangah ram pumpi in duhlonak langhter asi i,

May be an image of one or more people, people standing, mountain and tree

Ralhrang phu nih daitein duhlonak a langhter mi mipi hna tlaihkhih le thahnawnnak a phunphun an tuah caah hriamnam hmuh khawh mi cio tlaih Chinland hmunkip ah CDF cu April 4 thong in rak dirh a si.Cu bantuk in Ralkap uknak chiahru tlakter ding, Federal Democracy hmuh khawh nakding ah kannih Zophei zong April 16, 2021 in cawlcangh hram kan thawk i CDF Zophei tiah min pek in Zophei tlang chung ah dirh ve a si cang.

May be an image of text that says "CDF CDF-ZOPHEI ZOPHEI"

CDF Zophei cu ramkhel kongah CNF thithruainak in kal a si lai i, CNA, CDF, NUG nih dirhmi PDF le Tlangcung hriamtlai phu dangdang hna he i bawm in kan doh ti lai. CDF Zophei nih ralhrang lawng silo Innhngak Cozah ah aa telmi upa pawl, anmah he pehtlaihnak angeimi le anmah sin ah thawng a peetu Dalan hna cu faakpi in kan doh lai tiah hi cathanh in kan langhter. Pehtlaihnak. 0967665284

No photo description available.

Thawngpang:Ralhrang kawlralkap hna nih kawlram thimnak tuahnak tthan dingin timhtuahnak an ngaihmi kongah US alungtling lo. Hi konghe pehtlaiin US Foreign Minister Antony Blinken nih a lungtlin lonak a chimmi cu kum hnih chungah thimnak dang tuah dingin timhtuahnak an ngeihmi cu nawlngaihnak caan an sauhter duh ruangah a si. Kawlram ah hin ASEAN Myanmar Palai chiah colh dingin ASEAN ram pawl a ti hna.Min Aung Hlaing nih nizan bia a chimmi ah kumhnih chungah thimnak ding, cun ramkhel kongkau buainak zong phisin dih dingah ASEAN he ttuantti dingin hnatlaknak tuah asi tiah a chim.

ASEAN palai hna he ttuanti i, ASEAN nih ruahnak cheuhmi chungah kuttlai in ttuanti dingah timhcia peng kan si tiah a chim. Asinain zeibantuk dah timi tucu fiang in a langhter lo.Kawlram buainak phisin dingah ASEAN palai ding kongah buainak a um. ASEAN palai hna nih cun August nihnih meeting an tuahnak ah lungtlinmi an ngaihmi cu Brunei Foreign Minister changtu a simi Mr. Erywan Yusof hi ASEAN-Myanmar palai caah an lungtling tiah theih a si. Asinain ralhrang kawlralkap nih cun Thailand ram palai tthing an duh ve ti a si.

Hi konghe pehtlaiin Indonesia Foreign Minister nih a timi cu kawlram chung buainak kong ceihkhannak ah hin karhlan a har ngai i, a liamcia April thlah ah hnatlaknak tuahmi panga zong ttuanchuah mi a um rih lo tiah thawngzamhnak ah a chim. Hnatlaknak panga an tuahmi chungah ralkap le ramkhel pawl i ton i ceihkhannak tuah ding an ti, nain zeihmanh an tuahmi a um lo.Ralhrang hna nih anmah duhnak in kum 2023 ah thimnak kan tuah lai tiah an ti tthan. ASEAN-Myanmar palai ah ahodah thim or thlah a si lai timi hi a fiang rih lo nain an ttuan dingmi riantu cu tuahcia dih a si cang tiah an chim.

Kawlram chung ramkheel kongah zeibantuk minung paoh tonnak ngaih dingin timhlamhnak ngeih a si i, Suu Kyi le Win Myint tuhi an ton khawh hna le ton khawh lo a fiang rih lo.Hi konghe pehtlaiin ASEAN nih an langhtermi cu kawlram chungah bomb nak zong a si cang. Cun covid khamnak sii zong bomhchanhnak tuah dingin tawlrel cuahmah a si tiah Indonesia Foreign Minister nih a chim. Ralhrang kawlralkap hna hnatlaknak tuahmi zong an zulh lo pin ah Min Aung Hlaing nih amah tein Prime Minister rian aa pek.

Be the first to comment

Leave a Reply

Your email address will not be published.


*