MATUPI CDF NIHTUNI RALHRANG ANTHAH MIHNA CU ANTAM BAK HIH

Chin ramkulh Mindat In Matupi lei ah a kalmi ralhrang kawl ralkap mawtaw run don ah Matupi in Mindat lei ah a kalmi SAC ralkap hna cu Nihin March 31 zing ah CDF Matupi nih voihnih an kah hna i SAC ralkap 14 an thih pin ah hliamtuar an tam tiah theih asi. Ralkap thazang 80 veve hrawng in rallam ka hnih in an sial caah CDF  Matupi nih kan kah hna, Kan kamhmi bomb an i lamh ruang ah 11 hrawng an thi, hliamtuar an tam, Zing slm 7:40 hrawng ah hnu an kir tthan cun 9:10 ah thazang an i chap i an van kan nawr tthan i kan i kap i SAC ralkap 3 an thi tthan. 9:50 hrawng ah Chianpian khuathar lei ah an kir than.

Khuapi chung i Mizapi mawtaw lungphurhnak mawtaw pawl an hman i thazang an i chap ” tiah CDF- Matupi in ttuanvo ngeitu pakhat nih a chim. Matupi in Mindat lei a kalmi SAC ralkap hi 150 hrawng an si i Chianpian khuathar ah an um ko rih tiah theih asi, Nizaan zong ah CDF- Matupi nih annkah cang hna i 2 an thah cang hna.SAC ralkap mawtaw 84 hna cu Magwe ramtthen Kyauhthuh in Mindat ah an lut i Mindat in Matupi ah thilri le riahcaw chan ding in March 24 in an i thawh, March 29 ah CDF- Mindat nih lampi ah an kah hna i SAC ralkap 29 an thi tiah CDF- Mindat biachimnak nawl ngeitu nih a chim.Crd;The chin post

 

Be the first to comment

Leave a Reply

Your email address will not be published.


*