CDF – Matupi Nih SAC Ralkap Minung 3 An Thah Hna

Lailenpi in Matupi lei ah June 28 in a rak kaimi SAC ralkap pawl cu July 6 ah Yankhan le Amlai khua karlak ah CDF-Matupi nih an kah hna tiah theih a si.

Kahdohnak chungah SAC ralkap 3 an thi, 2 nih hliamhma an tuar tiah CDF-Matupi nih a thanh. Kahdohnak ruangah fah a tuarmi SAC ralkap pawl nih mipi inn cheukhat zong an khangh tiah a langhter.

Hakha khua ah Security a hngakmi SAC ralkap pawl zuu a dangh hna hnuah an meithal a tlikpi tu hngakchia pa a inn cu SAC ralkap nih July 23 ah an hrenh tiah theih a si. SAC ralkap pawl nih an hrenhmi inn hi minung an um lonak a sau cang. Hriamtlaih dothlennak aa rak thokka lio caan hrawngah inn ngeitu hna an tupa nih atu bantuk in SAC ralkap pawl zuu a rak dangh hna i an rit lioah an meithal a tlikpi caah an chungkhar ning in SAC ralkap nih an kawl hna.

Zuu a dang tu hngakchia pa le a chungkhar cu a luancia 2021 lioah himnak hmun ah an rak zaam cang tiah theih a si. Crd; The Chinland Post

Be the first to comment

Leave a Reply

Your email address will not be published.


*