CDF HAKHA NIH TUNI THOK IN AN KHAP CANG

President Zung. Hakha Peng Chungah Satil Luhpi Khamnak Kong. Satil zawtnak a chuak i mizapi hna sunghzatlaknak tampi a chuah caah 2022 November 10 thok in on than hlan tiang Hakha peng chungah Satil luhpi khawh a si lai lo.

A rami hna cu hmuhnak paoh in kirter ding, kir duh loin a lutchihmi hna cu an satil chuh i dothlennak caah hman ding le a minung cu kirter ding, kir a duh lomi minung cu a hramhram in kirter an si lai. Sd/President ,CDF-Hakha Council

Thawngpang dang relchap. Magwe Ramṭhen Ah A Zaammi Kanpetlet Peng Mipi Hna Cu Eidin Kong Ah Thinphang In An Um!Chin ramkulh, Kanpetlet peng in Magwe ramṭhen Saw leiah ralhrial in a zaammi, Kanpetlet mipi hna cu eidin kongah har a tong khomi an si caah thinphang in an um ko, tiah theih a si.

Saw peng ah ralhrial in a zaam ve mi Kanpetlet ralhrial pakhat nih cun, “ralhrial dirhmun kan phak tikah a zeilei pohin harnak kan tong ko. A bik in eidin kongah lung rethei in kan um. Atu ahhin cun NGO nih bawmhnak a kan pekmi facang, chiti, tibantuk in kan i chang rih i, an kan bawmhmi a dih tik hi hnu pin leiah zeitin dah khua kan sak te lai i kan i cawm te lai ti ruah ahhin lungrethei a si ko,” tiah a chim.

SAC nih hramhram uknak an lak hnu in Chin ramkulh chung ah kahdohnak a chuah lengmang caah Kanpetlet peng chung in minung 3,000 tluk cu Magwe ramṭhen Saw lei ah an zaam hna, tiah theih a si. Atu ah cun Kanpetlet khuachung ah khua a sami hi inn 10 hrawng lawng an si cang i, an khua ning ti awk in Magwe ramṭhen, Saw lei ah an zaam hna tiah theih a si.

Be the first to comment

Leave a Reply

Your email address will not be published.


*