BREAKING NEWS: THANTLANG IN RALHRANG 100 AN I THAWH TTHAN

Breaking News:Thantlang in ralhrang kawlralkap minung bak an i thawh tthan. Tuzing ah ralhrang kawlralkap Thantlang in minung zakhat aa thawhmi hna hi khoika lei dah an panh lai timi theih asi lo. Khualhring tlaang lei ah maw an kal lai asi loah Vanzang Tlaang maw Zahnak Tlaang lei ahdah tizong theih asi lo. Amui hmai zoh ah an panh lo ngaingai hna tiah an chim.

Hi konghe pehtlaiin Thantlang ummi pakhat nih hitihin alanghter. Ralkap: Tuzing Thantlang in Zahnak tlaang maw khualhring tlang maw vanzang tlang ah dek kal an i timh hnga, Ralkap Minung 100 bak, hmaichia nawn in an kal. An mui zoh ah anmah cu zaangfakte an si mipi zong aa kan zoh ngamlo, sinain Cunglei nawl pek an si caah an huamlo nain thih tih bu tein an nupi le fale tlaihpiak le hrem lai tih ah an i hne ve ko hih. (CDN)

Thantlang peng caah 2020 November 8 Thimnak a zuam dingmi minung 19 an si -  THE CHINLAND POST

Thawngpang dang:Aruak an vui zarh hnih a luan hnu ah inn a rak phan. Muktyala Girijammas timi cu a liamcia May ni 15 ah sizung nawlngeitu hna nih covid zawtnak in a nunnak aliam tiah chungkhar hna sin ah thanhnak an tuah. Chungkhar hna nih a ruak an vui. Ruak an vui zarh hnih a liam hnu ah inn a rak phan. Hi konghe pehtlaiin atupa Nagu nih a chimmi cu atanglei bangin a si.

Muktyala hi Vijayawada Government General Hospital a um lio ah va zoh dingin kan kal i, cu ahcun sizung rianttuantu hna nih Muktyala cu a thi cang tiah aa kan chimh. Ruak an chiahnak ahcun kan kal i, Muktyala ruak cu kan kawl. A ruak tawlreltu hna nih midang ruak an rak pek diam hna. Mithi ruak cu an tuam dih caah an muisam hmuh khawh asi lo.

Ruak cu inn ah an lawipi hnu ah an khangh. Asinain zarh hnih a liam hnu ah Muktyala cu inn ah a rak lawi. An mah hi Christianpet, Jaggaiapet Mandal, Krisha District ah a ummi an si. Sizung rianttuantu hna nih a kal umnak man ah tiah Rs.3000 an rawnh ti asi. Inn a rak lawi ahcun chungkhar hna cu khuaruahhar in an rak um ko tiah amah nih a chim. Aruak an vui khangh cangmi kha aho ruak dah asi timi theih asi lo.

Be the first to comment

Leave a Reply

Your email address will not be published.


*