BREAKING NEWS: MEITHAL ZUN TAMTUK PUAH THAWNG THEIH A SI

Kalaymyo, Tahan hrawng ah meithal thawngpang theih len asi. Tunai suimilam 8:00pm hrawng in Meithal thawng theih asi nain thil sining fiangafai in theih khawh a si rih lo. Meithal thawngpang kan theih mi hi Zun(10) leng pi a si, pehtlaih in kan theih cuahmah ko, kaphnih kahnak Meithal thawngpang bantuk a si ko” tiah neihniam pakhat sin in kan theih.

Tuzaan Kalay meithal thawngpang kong ah thawngpang fiang theih a si rih lo nain, cheukhat nih cun “PDF, CDF him tein um hram hna seh” tiah ca an tial mi, comment tete hmuh khawh asi. Pathian nih mipi le kan ram kan venghim hram seh. Thawngpang tlamtling tein thanh khawh kan rak zuam tthan lai.

Kalaymyo View - YouTube

Thawngpang dang Relchih: Ramkhel Party (28) nih Ralhrangbu Thazaang kan pek,kan bawmh lai tiin cathanh an chuah USDP le WNP telhin ramchung ramkhel 28 nih ralhrangbu nih 2020 rampi thimnak result a hrawh mi le a thiangmi thimnak a tuah mi cungah tha kan ti i, kan bawm lai tiin nihin August 4 ah cathanh an chuah.

Ramchung daihnak a um khawhnak dingin ralhrangbu nih a zuamnak cung le ralhrangbu nih covid-19 a dohnak kong zong ah minung, thilri, tangka thazaang in kan bawm lai tiah cathanhnak ah an langhter.Innhngak cozah nih vuanci rian cheukhat a thlenmi le a then mi cu rian thawng ceuhin a kal khawhnak ding le a dingfelmi thimnak tuah khawhnak caah tuahmi a si caah a tha kan ti.

Innhngak cozah nih Agriculture base – industrial business economic policy a ngei mi cu khuate ah a ummi mi tam deuh caah thanchonak a si caah thate in kalpi khawh a lai kan zumh.2021 July 29 ah UK nih a tuah mi Kawlram kong ceihnak Arria Formula meeting ah NUG palai le ram leirawi ruangah rian in phuah cang mi le tazacuai lio mi U Kyaw Moe Htun a kai ve mi le bia a chim mi cungah kan thangchiat.NUG he a pehtlaihmi vialte cu ralhrang phu he a tuanti mi an si caah i ralring dingin cathanh an chuah. Tachileiknewsagency

Be the first to comment

Leave a Reply

Your email address will not be published.


*