BREAKING NEWS: KALAYMYO AH RALHRANG LE PDF AN I KAP

Breaking News: Kalaymyo ah nihin zaan suimilam 8:00 hrawng ah PDF le Rallokap Kar Kahdohnak A Chuak. Kalaymyo,Tahan Naygyiateih( ေနၾကာတိုက္) pawng ah nihin zaan suimilam 8:00 hrawng ah ralhrang rallokap phu hna le PDF-Kalay kar ah kahdohnak a chuak. Atu an i kap lio (ေနၾကာတိုက္) lei Batany(ေဗသနိ) sii khan lam ah an i kap.

I Kahdohnak ah kap hnih in Hliam tuar mi kong ah theih khawh a si rih lo, rallokap nih um hmun an khuar nak a si tiah khua mi pakhat nih a chim. Atu Kahdohnak a chuah ruang ah ralhrang rallokap hna nih Tahan veng chung ah zohfel nak an ngei tiah theih a si. Credit: The Chin Post

Kale District - Wikipedia

Tuni Thawngpang pawl: Thantlang Khua Ah COVID-19 Zawtnak In Mithi Um.Thantlang khua, zunghmun sang um mi, Pi Tha Iang nih Covid-19 zawtnak in zinglei sml 2:00am ah a kan thihtak. Pi Tha Iang hi an inn i zarh hnih tluk ai thlop hnu ah TC-19 ERC tuahmi sii-inn i an um zarh thum tluk ah a nunnak a liam hi asi.

Sii-inn an rak phak ah hin Oxygen level hi 60-70 karlak lawng a rak si. Pi Tha Iang i a pasal, Pu Veng Kam le a fanu, Pi Tha Cer, a tta asi mi, Pu Do Kil hna zong sii-inn ah a umlio asi tiah kan theih.Thantlang khua ah Covid-19 pulrai in minung pathum le lunghrinhmi pakhat an nunnak a liam cang. Credit: The Chin Now

Thawngpang dang: Falam Peng kahdohnak ruang ah pawngkam khua khua hnih ralzaam dirhmun in an um.2021 July 20 Falam peng chung CDF ralkap le SAC ralhrang (mithat phu) kahdohnak ruang ah pawngkam khua a si mi Tlangzar le Tal khuami hna cu ralzaam dirhmun ah an dir tiah tiah theih a si. July 20 ni ahhin suimilaam 3:00PM hrawng ah voi khat le suimilaam 5:30PM hrawng ah voi khat a si i hi kahdohnak ruang ah minung a thimi le aa hliam mi fiang in theih a si rih lo tiah kan theih.

Khuami an zaamnak kong he pehtlai in khuami pakhat nih, “Mah khuale ram zaam tak hi kan i tim lo. Asinain, atu lio SAC ralhrang sining hi cu mizapi nih kan theih dih cio. An hmuh mi poh tlaih le hrem le tukvelh an si tik ah khuachung mi nu le ngakchia ca ah kan ruah i kan zaam hi a si. An i kahnak hi kan khua he aa nai te. Zeitik tiang kan um lai kan zaam lai ti cu chim a har,” tiah a chim.

Hi kahnak hmun ah a ra mi hi an dihlak ah buakthlak in minung 80 hrawng an si tiah khuami nih an chim. Atu khua chuah takin a zaam mi khua hna hi an khua hnih fonh in minung 500 tluk an si tiah kan theih. Cun, khuami hna chung in minung pahnih an thawngpang theih a si rih lo. SAC lei nih an tlaih hna i si lai tiah khuami hna nih an zumh.2021 July 21 tuzing suimilaam 7:30 Mindat CDF ralkap le SAC ralhrang kar ah kahdohnak a chuak ve tiah theih a si. Credit: The Hakha Times.

Be the first to comment

Leave a Reply

Your email address will not be published.


*