BOMB NIH A PUAH HNAWH MI TLANGVAL BAWI HUM TLUANGTEIN HAKHA APHAN

Thantlang ah bomb tlolh mi nih a puahhnawh mi Pa Bawi Hum cu Monywa ah operation tuah hnu Hakha a phan. August 27 lio Thantlang Sianginn Sang ah SAC mortar bomb a tlolh i a puak mi nih Pa Bawi Hum (kum 29) cu Monywa sii-inn ah operation an tuah i September 9 ah Hakha a phan cang tiah HBDO Director Pu Cung Hu sin in kan theih. Hi kong ah Pu Cung Hu nih a tanglei bantuk in a tial.

Tlangval Bawi Hum(29) Bom hrulh nih a puah sualmi kan naupa cu Mungzua sii inn ah tlamtling tein operation an tuah khawh cang i Steel thluan zong rem tein aa bunh khawh hnu ah Hakha cu tluang tein 9.9. 21 ah an rak kir tthan kho cang. Zaangfah thiammi a tanglei hawi ttha rual hmang in Pathian nih khua a khan..

Nu Bawi 100,000, 2.Ngun Tha Chin. 30,000, 3. NDCS 50,000, 4.Rev.Nunu Wai 50,000, 5.NLP(D0) 30,000, 6.Dawt Hniang 100,000, 7.Sang Cuai 100,000, 8.H.Chan Uk Thang 300,000, 9.Ngun Bor Cin 100,000, 10.Tha Hnem 100,000, 11.Bawi Pi 500,000, 12. ThaChinSung.100,000, 13. Biak Par 100,000, 14. MoeMoeAye 100,000, 15.Nethalands Nubu 500,000, 16.NgunHleiIang 100,000, 17.Toe Toe 100,000. Total. Kyats 2,510,000.Zaangfah hmangtu nan zaate cung ah Bawipa Pathian thluachuah tlung ko seh. Cung Hu. Laknak. THT

Thawngpang dang. Dr. Mang Biak Kung cu tuni ah ralhrang kawlralkap hna nih an thlah tthan cang. Dr. Mang Biak Kung hi september ni 9 ah ralhrang kawlralkap hna nih a inn chungah an rak tlaih mi a si. Dr. Mang Biak Kung hi Hakha Sizung pi a uktu zong a si. Tuni September ni 11 zanlei sangah an thlah tthan cang tiah The Chin Journal nih alanghter.

Be the first to comment

Leave a Reply

Your email address will not be published.


*