BENJAMIN SUM NIH HARSA BAWMHNAK AH CONCERT A TUAH LAI

Hlasak thiam Benjamin Sum nih tulio harsatnak phunkip lak ah mipi hnemhpah in harsa hna bawmhchanhnak caah online Live Show a tuah lai. Hi konghe pehtlaiin Benjamin Sum nih a timi cu tulio caan ah online in ka hmuhmi chungin harsa pawl hna bawmhchanhnak pe kho dingin ka zuam cuahmah. Tulio harsatnak caan ah thinhunnak tlawmpal te a daih deuh ding le,

Harhbau hna bawmhnak ka pek tthan duh hna ruangah zeidah kan tuah khawh lai tiah khua ka ruat i, Summer Nigth Intro Virtual Live concert cu a ralaimi September nili nirukni zaan ah keimah Benjamin Sum Youtube channel in Kawlram caan zanlei suimilam pakua, India caan in zan pariat ah Live ka thlah lai.

Tulio thawngpang chialak ah caan tawite chung vun i harh in Live concert zoh a duhmi hna nih ticket pakhat ah kawlram in 2500 in zuar asi. Ticket pawl cu Japan ummi caah Thae Thae Joy Siang Pi le Zin Minn Latt, USA a ummi caah Nini Zawkhine le Khaing Zar, Singapore a ummi caah Ck Dim St, Macau ummi caah Msi Chhakchhuak le Christian Rahab Sui, Norway a ummi caah San Mary Lian, India a ummi caah Benjamin Thante sin hna ah chawnh khawh asi tiah a langhter.

Hlasak thiam Benjamin Sum cu a nu ngamdam lonak ruangah Mizoram Aizawl khuapi a um cuahmah lio a si i, Mizoram a um chungah Online in tangka a hmuhmi hna cu Kawlram ralzam, Chin ralzam hna le harsa hna caah bawmhnak a rak pe cang mi a si. Tutan ah hi bantuk in bawmhchanhnak caah tiah aa timhtuahmi ah thaazaang pecio hna usih.

Zaithiam Benjamin Sum an Convid19 a kai - BUIZOVA

Thawngpang dang:Sungh zatlak puicimhnak nih Min Aung Hlaing cu atuah hoi ko. Tamtuk a nau le an thih pin ah hriamnam tamtuk an lakpiak rih hna. Tuni August ni 31 ah MNDAA nih teinak an hmuhmi an vun langhter. Shan ramkulh Mongko peng chungah ralhrang kawlralkap le MNDAA hna cu fak ngai in i kahnak a chuak i, ralhrang kawlralkap lei tamtuk an thih pin ah hriamnam tamtuk an chuh rih hna.MNDAA le ralhrang kawlralkap hna cu nili chung an i kap i, tuzing tiangah i kahnak pehzulh a si rih. Hi i kahdohnak ah hin ralhrang kawlralkap hna cu KIA le MNDAA fonh in an tthuat hna.

Asinain ralhrang kawlralkap lei a thimi zat hi an langhter lo nain tthenkhat nih cun ralhrang kawlralkap lei a thimi hi a tlawmbik minung zakhat cu an si lai tiah an chim ve.Mipi zohkhawh ding le hmuh dingah MNDAA nih ralhrang kawlralkap an kahthah mi hmanthlak tthenkhat le ralhrang kawlralkap hriamnam tamtuk an lak chuhmi hna hmanthlak an langhter. Hriamnam an lakmi hi meithal zun 12 le bomb kahnak cun bomb phunphun, cun hmabilu le kuanfang tam taktak an lak. Tutan ah an chuhmi hna hriamnam hi aman cu a ting thong cu asi lai. Asinain anmah lei a thimi le hliam atuarmi zat tu cu an langhter lo. Biachap. Nikhat hnu nikhat in Min Aung Hlaing hi a sung chin lengmang ko cang

Be the first to comment

Leave a Reply

Your email address will not be published.


*