AUSTRALIA, MELBOURNE CEC NUBU NIH TING 11 AN KUAT HNA

Ram chung/ Ram leng um mi Laihritlai khat dawtmi U le nau hna nan theih cio ban tuk in Covid -19 Zawtnak ttha lo ruang ah a tu lio Yangon khua chung Nikhat te hmanh ah Minung 1500 leng thlan mual a kan liam tak can a um i Ruak kuang hmanh nih a zo ti lo i Puan in Ruak zual riang mang in Ruak kan vui can hna a tam tuk cu dirhmun kan phan.

Austrlia, Melbourne CEC Nu Bu nih Covid-19 Mizaw mi Dirkamh nak, Lai Chiat That Bu a herh nak hman ding ah Ks 1,100,000 an kan bawmh. Melbourne CEC Nu Bu mah ban tuk Mipi dirkamhnak an lungput hi kan i lawm khun. Pathian nih Miphun ca ah cawisang chin ko hna seh. Yangon Lai Chiat That Bu aiawh in kan lunglawmhnak kan langh ter. Credit: Lian Iap

May be an image of 17 people, people standing and indoor

Thawng Pang Dang:Thawngpang ttha NUG cozah nih thanhnak an tuah. NUG cozah ah ngandamnak lei vuanci a simi Dr Zaw Wai Soe nih a timi cu NUG cozah min in Kawlram mipi hna cu Covid khamnak vaccine chunh dih an si lai tiah thanhnak atuah. Hi konghe pehtlaiin NUG cozah tuanvo ngeitu hna le thawngzamhtu hna he ton biaruahnak an ngeihnak ah atubantuk a chim hi a si.

Tukum chungah kawlram mipi 20% cu NUG cozah min in covid khamnak sii pek dih dingin kan timh. Hihi atu kan timhtuah cuahmah liopi a si. Tuthla dih hlan ah thok khawh kan timh i, phun hnih tuah asi. A voikhatnak ahcun tlangcung mi hna umnak kan pek hmasa hna lai i, ahnu ah mipi pawl an si lai, Cozah tthing hna nih an chawnhmi hna kha kan chawnhmi hna an um.

Cazin ning in 6million hrawng kan hmuh cang tiah NUG Cozah ah ngandamnak lei vuanci a simi Dr. Zaw Wai Soe nih a chim. Vaccine peknak konghe pehtlaiin NUG cozah nih thanhnak an tuah nain zeibantuk vaccine dah an hman lai i, ralhrang kawlralkap lak ah zeitindah vaccine cu mipi an pek hna lai timi tucu an langhter chih lo.

Be the first to comment

Leave a Reply

Your email address will not be published.


*