AUSTRALIA HAKHA THANTLANG LEI U LE NAU HNA KAN SAWM KO HNA

Australia Hakha-Thantlang lei u le nau hna, Kan pengtlang ca cawlcangh hi cu ngol deuh hna uh sih law Mindat hi zuan hnawh deuh hna uh sih tiah kan sawm ko hna. Bomh an herh tuk hringhren lio caan a si. An khua an chuah tak thluahmah cang. An upa te he meeting voi tampi kan tuah cang. A ra lai mi zongah kan tuah rih lai.

Kan mah sin ah bomhnak pek khawh zong a si. Matu lei cu kan sin ah bomhnak an pek cuahmah cang. Atu zong Ting 80 hrawng kan kuat chung cang hna. Kan pengtlang ca cawlcangh hi a tha ko. Asinain, Mindat bantuk thil an ton tikah fak piin kan zuam hnawh ve ko hna lai. Hi tluk kan unau an thih cuahmah zongah kan pengtlang pin i mit kan au lo ahcun a poi tuk ding khi a si.

Mindat – Senthang le Hakha siseh, Falam lei zong Mindat le Senthang bantuk a fah deuh tikah fak piin kan zuan hnawh hna lai. Kan $$ 10 hi a biapi tuk hringhren ko hih. Mindat ca’h bomhnak pek a duh mi cu kan Council bank details pek khawh nan si. Credit: Sanghre.

A Poi Bak Si, Mindat Ralzam hna ca ah Tangka a Chuahtu Kalaymyo ah Tlaih a  Tong

Relchih: Taluk Sal ASEAN: June 7, tuni hi ASEAN hruaitu hna le Taluk ramleng vuanci zung upa hna cu Taluk ram ah an i tong lai i Myanmar buainak kong an i ruah lai tiah RFA nih a chim. Myanmar buai hnu ASEAN hruaitu hna cawlcanghning le Taluk cawlcanghning zoh lengmang tikah ASEAN cu Taluk sal menmen pei a rak si ko hi ti a lang chin lengmang.

ASEAN hruaitu hna cu Naypyidaw ah an ra i ralhrang bawizik MAH he an i tong. Cu pinah UEC upa hna he zong an i tong. Asinain NUG, CRPH le tlangcung hruaitu hna cu zeihmanh ah an rel hna lo, an kir diam.ASEAN hruaitu pahnih Naypyidaw i an rat hlan ah Taluk ramleng vuanci he tonnak an ngei hmasa. Cu hnuah Naypyidaw ah an ra. Naypyidaw in an kir hnuah atu bantukin Taluk ramleng vuanci zung upa hna he tonnak an ngei than lai.

Zeiruangah dah ASEAN hruaitu hna nih UN he an i ton lo? Ziah US he an i ton lo? ASEAN cu Taluk tlaihhipnak (control) tangah a um ti a fiang ngaingai. Taluk nih Myanmar buainak kongah lenglang tukin aa thlak duh lo nain a chungin cun aa thlak peng ko. Phundang cun Myanmar buainak kong i thlaknak caah ASEAN hi Taluk nih a hman ti khawh a si.

Zeitindah tuah an duh? Taluk le ASEAN nih Myanmar ram hi zeitindah tuah an duh? Tutan buainak hi zeitindah tuahremh an i timh? Atu i Thailand ram bantuk phun khin Taluk le ASEAN nih Myanmar ram hi an tuah lai. SAC nih rampi thimnak an tuah lai i USDP nih teinak an hmuh lai. USDP nih cozah an ser lai i mithat lainawng ralhrang bawizik MAH cu a ralbawi thuam i phoih in president an tuanter lai.

Cuticun Myanmar ram cu zaukphung le khongton uknak cawh hrup in ralthuam phoih ralbawi rual nih an uk lai. Hihi Taluk le ASEAN duhning a si.Atu i Thailand PM pa khi ralbawi a rak si cu mu! Ram a buai tuk tiin nawlngeihnak a lak le thla 6 chungah thimnak ka tuah lai a ti. Thimnak a tuah i amah party nih teinak an hmuh le a ralthuam i phoih in PM a tuan huar ve ko khi! Mah phun khi MAH nih a duh tuk vemi cu a si.Mah bantuk khi a si khawhnak dingah Taluk le ASEAN nih MAH cu a si khawh chungin an bawmh lai. Thiamnak lei in, hriamnam lei in, tangka lei in an bawmh ko lai. TCP Editor

Be the first to comment

Leave a Reply

Your email address will not be published.


*