APOITUK EE, CHINRAM AH RALHRANG THILTUAH CU LUNG A FAK HRINGHRAN KO

Chinram chung ah ralhrang thiltuah cu lung afak hringhran ko. Chinram Mindat peng Esakhan khua ah a lan (Flag) rang an thlaimi ralzam hna an umnak sakhan cu ralhrang kawl ralkap lei nih hriamnam ngan in an kah hna tiah an langhter. Chinram Mindat peng Esakhan khua ah a um mi aa-laan rang an thlai nak ralzam sakhan cu ralkap lei nih hriamnam ngan hmang in an kah hna.

Ralhrang hna nih ralzam umnak hmun an kah hna caah khuami pawl hna cu ruah sur lak le ttho lakah an zaam hna i, harnak an tong tiah Mindat khuami hna sin in theih asi. May thla ni 29 le May thla ni 30 zaan tiangah ralhrang kawl ralkap lei le PDF karlak ah I kah doh nak a um I May thla ni 30 zing lei ah Mindat-Kanpalet peng Khuai Lungta, Ma Cia khua hna ah ralhrang kawlralkap lei nih PDF lei cu an vun kah hna.

Cubantuk in ralhrang kawlralkap hna nih Chinram rungvengtu CDF pawl an kah hna caah Mindat ah a um mi PDF lei nih an kah ve than hna tiah theih asi. Cu I kahdoh nak ah cun Ralhrang kawl ralkap lei minung 6 an thi I an hriamnam 3 cu PDF lei nih an lak khawh tiah PDF lei nih thawng an thanh.

May be an image of one or more people and outdoors

Thawngpang Dang: Ralhrang pawl an mualpho cang. Ralhrang dirkamh in CDM a lut lomi vuanthan tlawmpal nih Pathein-Hin Thata a kalmi tlanglawng cu an suai than cang. Pathein le Hin Thata ah a kal tawn mi tlanglong cu CDM ah a lut lo mi vuanthan tlawmpal hna I fonh in tuni May thla ni 31 zing lei thok in punghman an suai than cang tiah theih asi tiah thawngzamhnak nih alanghter.

Tlanglong ah rian a ttuanmi a tam deuh cu CDM an lut dih hna nain Tlanglong mawng tu minung 3 le a dang a herh nak lei rian a tlai tu minung 10 hrawng cu CDM lut lo in an um tiah vuanthan pawl he a naih niam mi minung pakhat nih a chim. Tuni in suai hram aa thok than cang mi Tlanglong chung ah cun khual tlawng minung 4 lawng an si tiah Pathein buda pawng ah um mi mipi hna nih an chim.

Vuanthan thazang a tlawm tuk caah nikhat ah voi khat lawng Tlanglong cu a kal kho rih tiah theih asi. Yatha vuanthan tam deuh hna cu CDM an luh caah ralkap lei nih an um nak vuanthan inn in an chuah ter dih hna caah mah le khua cio ah tlun in harsa ngai in an um hna lio a si tiah CDM ah a lut ve mi vuanthan pakhat sin in theih asi.

Be the first to comment

Leave a Reply

Your email address will not be published.


*