APOI BAK. TUNI CDF LE RALHRANG I KAHNAK AH RALHRANG THILTUAH CU

Ralhrang kawlralkap nih Chinmi minung pasarih hna cu tukdohnak hmun ah ralsar an tarh hna. Mindat CDF le ralhrang kawlralkap i kahnak ah ralhrang kawlralkap nih an tlaihmi minung pasarih hna cu ralsar ah an tarh i, an himnak dingah an i khamnak tiah theih asi. Hi konghe pehtlaiin thawng thanh nak an tuahmi cu a tanglei bantuk in a si.

Tuni June thla ni 5 zinglei ah Mindat peng May Lay Kung khua ah ralhrang kawl ralkap le Mindat CDF i kahnak ah a chuak. Tuzing i kahnak ah ralhrang kawlral hna nih an tlaihmi minung pasarih hna cu hmai ah an chiah hna i, ralsaar ah an tarh hna i, an i khamnak ah an hman hna tiah Mindat CDF lei in tuanvo ngeitu pakhat nih Mizzima thawngzamh nak a chim.

Hi konghe pehtlaiin an langhter chih rihmi cu nizan zongah i kahdohnak a um. May Lay Kung khua in Shwe Aung Tha lei ah ralhrang kawl ralkap pawl cu kal an i timh caah CDF lei nih kan doh hna. Vanchiat ah ruah a sur I meithal pawl kan puah kho lo. Tuzing zong ah I kahnak a um I cu ahcun May Lay Kung khuami minung 7 hna cu ralhrang kawl ralkap lei nih an tlaih hna i, I kham nak ding caah an hman hna tiah a chim.

Hti Lin le Kyaut Thuh khua karlak ah a um mi Shwe Aung Tha khua ah ralhrang kawl ralkap lei nih ralkap thaazaang minung 80 chap ding in zahan June ni 4 ah May Lay Kung khua in an vun I thawh I cu ahcun CDF lei nih kan bawh hna an kan kah hna. ralhrang kawlral Ralkap lei nih hriamnam ngan RPG an hman caah I kahdoh nak cu a fak ngai I PDF lei in minung 3 an thi thiah theih asi.

CDF-Mindat An Dirhmun Thinphang Ngai Si Ee -

Thawngpang Dang:Hakha, Senthang Peng hmun cheukhat ah ralkap an lut, khuami an zaam inn lei an kir ngam rih lo. Mizapi thimmi Myanmar ram uknak sin in hramhram in uknak a chuttu SAC mithat phu (ralkap) nih Hakha, Senthang Peng khua cheukhat an luh hnawh hna ca ah khuami hna cu mah inn le lo ah um ngam loin an zaam dih tiah thawng kan theih.

Senthang Peng chung min langhter duh lo khuami pakhat nih, “Kan khua hi 2021 June 2 ahkhan an rak lut. Khuami kan dihlak ralkap an ra ti kan theih in kan inn le lo kan chuah tak cio. Khua chung ah an lut i lamkam inn poh cu an boh dih. Cun, Solar le Bettery kan hman mi pawl zong an i lak. Innchung thilri tiang an hrawh dih,” tiah a chim.

SAC mithat phu (ralkap) hna khuate cheukhat i an lut hnu khuami hna cu bomb an hmanh sual lai ti kan phang ca ah khuachung ah an lut ngam ti lo tiah thawng kan theih. CDF-Hakha le SAC mithat (ralkap) hi a liamcia May thla in an i kap i hi kahnak ruang ah CDF-Hakha in minung pakhat a nunnak a liam. Cun, Senthang Peng kong he pehtlai in Facebook cahmai ah, “Please helps Senthang, Please Give attention to Senthang, Please stay with Senthang, We need your help, CDF, NUG, CNA/F .

Atu Senthang peng ah ral hrang nih duh poh in khua an sak cuahmah cang ca ah bawmhnak kan herh ko, speak out zong tampi kan tuahpiak ve cio uh tiah kan in nawl hna. Senthang pawngkam ah a um mi Zotung CDF le Hakha CDF zong nih nan kan cawl cangh pi nak lai zong kan in nawl hna,” tiah an langhter. Credit: The Hakha Post

Be the first to comment

Leave a Reply

Your email address will not be published.


*