APOI BAK INDIA LE CHIN RAMRI HLEI THLANHTAR CU RALHRANG NIH ANTHLEN

CNDF Ralkap 2 Tlaih An Ton Hnuin Ramri Hlei Cungah SAC Ralhrang Thanhtar Cu An Chiah Than Chin ramkulh Falam peng Rih Khua Dar ah CNDF sakhan cu SAC ralhrang ralkap nih March 26 zinglei sml 5:30 ah luhhnawh in an kah.Nawlngeihnak latu SAC ralhrang ralkap nih CNDF ralkap 2 an tlaih tiah theih a si.Cun nizan ah online cungah a linsa ngaimi ramri hlei cung i CNDF thanhtar cu SAC ralhrang ralkap an laak i, anmah ralhrang thanhtar an chiah than cang tiah theih a si.Crd;The Federal Times

Relchih.Chin ramkulh, Matupi peng Waito ဝေတူး khuami 3 hna cu nizaan March 24 ah SAC ralkap nih an tlaih hna i sakhan ah an kal pi hna tiah Matupi tualchung thawngzamh hna nih an langhter. Ralkap thazaang 100 tluk a si mi SAC ralkap phu nih Waito khua cu zaanttim ah an luhhnawh i khuatlung an chek i khuami an phone pawl an chuh dih hna tiah theih a si.Khuami pawl phone an chuh dih hna caah theih hngalh mi hawikom zong phone chawnh rih lo ding in Waito khuami pakhat nih theihternak a tuah mi zong social media ah hmuh khawh a si.

Khuami 3 SAC ralkap nih a ruang umlo in an tlaih hna i a tutiang an thlah rih hna lo. Matupi in Waito khua ah phone in pehtlaihnak a hei tuah tu Maung Kolwel zong SAC ralkap nih an tlaih tiah tualchung media nih an langhter March 23 zong ah Chinram thlanglei Mindat, Matupi lei ah SAC ralkap motor 82,minung thazaang 200 hrawng an rak kai i CDF he kahdohnak a fak kho te men tiah lungrethei in mizapi an um hna.

Be the first to comment

Leave a Reply

Your email address will not be published.


*