ZEI BIA DAH NAN CHIM VE TE LAI? KAN DOH TTI HNA LAI NAN RAK KAN TI TTUNG

Dothlennak a phichuak ah khin zei na ti ve te lai dah? Thil diklo kan doh ṭi hna lai, nan rak kan ti tung.. Atu ah kan political view a khat lo nan ti lai maw. Thil diklo kan doh ṭi hna lai, nan rak kan ti tung. Atu ah cu nak biapi deuh ti nan ruah mi ah nan kan mer taak lai maw. Thil diklo cu kan dohlai, nan rak kan ti tung. Atu ah kan i runven khawhnak a si ah cun tlawmpal te hei lorh pah hna cu poi tuk lai lo na ti cang maw.

Zapi’ minung nan si, zapi caah dir uh, Zapi nih kan in ṭanpi hna lai, nan rak kan ti tung… Atu ah nan philh diam maw? Kan nih CDMer hna nih cun kha liote khan har le fe in kan i zuam hnuah kan hmuhmi, kan sunlawih tuk ve mi kan pawcawmnak rian, kan hmaihngalnak, kan rumra vial te kal taak in atu tiang te thil diklo doh in kan dir ko.

Kan phaisabawm bel ka zoh ngam ti lo. Kan rawlbawm a zor riangmang i thla hnih ca leiba nih a kan den chap. Kan cuanh khawhmi kan hmai lei a mui thliahmah. Dothlennak a dih i a phi chuak ah khin zei na ti ve te lai dah? Kan nih cu kan tuahawk a si mi kan tlinh tiah phuhrung lo tein kan ti te lai. crd. VSHS. kan tei hrimhrim lai. စစ်အာဏာရှင်စနစ် မုချကျရှုံးရမည်, နောက်မဆုတ်ဘူး We Support CDM

No photo description available.

Thawngpang dang: Zaangfaak tuk an si i, Ekinn ti hna an din cang. Tuluk le Kawlram ramri Q Center ah a ummi kawlrammi hna cu August nikhat in ei le ding an hmu tilo. Tukluk ramchung Shweli ah quarantine center pakhat ah an chiahmi kawlram mi hna cu August nikhat in rawl ei ding an pek ti hna lo ruangah lungrethei in an um hna tiah theih asi. Hi konghe pehtlaiin a tanglei bantuk minung pakhat nih a chim.

Rawl ei ding aa kan pek khawh lo ruangah nikhat khohsuai dur hnih le Ti dur thum aa kan pek. Asinain mah zong cu thatein aa kan pe kho lo. Kan dih lak in kan tinglo. Ti din ding a ting lomi hna cu ekinn ti an din hna. Hngakchia le naupawi hna cu room dang ah an chiah hna ruangah an i bawm kho lo. Hi hmun le hma ah hin kawlram mi minung 150 hrawng kan um i, harsat kan tong cuahmah tiah a chim.

Kawlram mipi quarantine center ah a ummi hna cu thongtla bantukin an tuah hna i, lenglei in tawh an hrenh khumh hna, ei le din man a pemi he pe lomi he August nikhat thok cun rawl an pe ti hna lo tiah theih asi. Ei le din an pek ti hna lo ruangah siseh, kawlram lei ah kuat an si lo ruangah siseh bawmhchanhnak kan hmu hnga maw tiah social media hmangin bawmhnak an hal nak hi a si.

Quarantine ah chiah vemi pakhat nih a chim tthan rih mi cu Covid hrik zong an hmu lo, Inn pakhat ah kawlram mi le Tuluk mi he hmunkhat ah um dih a si i, kawlram lawng aa kan lak in quarantine ah chiah a si i, palek le kan pule nih tangka cawi a hau lai lo, va zul ko hna aa kan ti. Asinain Quarantine Center kan phak ahcun tangka aa kan hal tthan i, kan buai taktak tiah a chim.

An tonmi konghe pehtlaiin Social Media ah Tuluk nawlngeitu hna cu Tuluk nih kawlrammi ei awk a pek khawh hna lo a si ahcun kawlram ah kua hna seh. Quarantine luhter lo ding siseh, Myanmar Migrant worker hna rianttuan ding an ngeih lo ruangah tangka an ngei tilo. Quarantine chiah asi ahcun tangka hal si ti hlah tiah an ti hna.

Be the first to comment

Leave a Reply

Your email address will not be published.


*