RALHRANG AN LUNGRETHEI, A THI VIAR DING AH AN I RUAH

Catialtu Zasang Cinzah: Tulio ah a thinlung re a theibikmi cu, SAC ralhrang, Ralkap hna hi an si. A thi viar ding in an iruah. Cunglei nawlpeknak zulh lo ah thih. Zam ah thih. Ral doh ithawh zong ah thih. Lairam ah MAH nih a rak thlahmi hna zong hi hmailei kal in ral an tukter hna i, an zam sual ah thah/kah colh dingin an hnu lei ah security an chiah piak hna ti a si.

SAC Ralkap hna hi tam deuh cu, Slum/ lamkam ah a vakmi / slumdog pawl an tlaihmi hna an si i, an hrut. An molh. Thil an thei lo. Map zong an hngal lo. An ral a chia fawn. Laitlang ah an duhzat rak kai hna seh, an thil tawm he tlangpar pakhat an kai ah an tha a dih cang lai. Cucaah, Chin pasal hna, Chinland/ Chin ram a vengtu hna nih fawi tuk in an tei hna lai tiah ka ruah ko.

Asinain, Chin pasal hna, Lao Tzu bia hi rak inunpi ko u! “There is no greater danger than underestimating your opponent.” An zuam cawhtu fawi tuk in ruah nakin ttih a nung deuhmi a um lo” Lai Tzu. Ralkap hi zeitluk an der zong ah, Khua ram, flingtlang an hngalh lo zong ah “underestimate” tuah ding an si lo. Ralrin tein, timh ciah tein, fim khur te in doh ahcun, Mino thisen tampi a him lai. Kan tei fawn lai.

MAH/ SAC ralhrang nih kan Chin miphun ral a kan thawh hnawh cang caah, Mino, upa, nu le ngakchi tiang telh in kan ral doh a herh lio caan kan phan. Ram chung, Ramleng, kan dihlak in ttanrualnak nih teinak a kan pek lai. Parties Politics le biaknak/ doctrine tbk ah kan ikhahnak lonak kan thil kha tthumh cio hna usihlaw, kutsih in kan ral, SAC terrorist hi techin fapar chan tiang a nguhmi teinak hmuh dingin ithawh cio hna usih. Credit: Zasang Cinzah.

Kawl Ralkap Nih AA Hmanh mi Bomb An Lamh Sual Caah Zeimazat An Thi - Daily  Breaking

Thawngpang dang: Min Aung Hlaing le a nau le thiltuah an phuan tthan cang. Ralkap lei nih biahalnak zungah serhsatnak tuah in a thi mi minung 20 leng an si cang tiah AAPP nih thawng a thanh. Kawlram ah ralkap nih rampi uknak hramhram in an lak thok in June thla ni 11 tiang ah ralkap kahnak ruang ah a thi mi mipi hi minung 860 leng an si cang I cu hna lak ah minung 20 hna cu ralkap lei biahal nak zung ah serhsat an ton caah a thi mi an si tiah AAPP nih tuni ah thawng an thanh.

Ralhrang Kawl Ralkap lei nih tlaih hnu nazi 24 chung ah a thi mi minung 3, ni hnih chung ah a thi mi minung 4, zarh khat chung ah a thi mi minung 4 le zarh hnih a rauh ah a thi mi minung 1 an si tiah AAPP nih cun a thanh. Cu hna lak ah minung 3 hna ruak cu tantak mi innchungkhar nih an la kho lo tiah an chuah chih.

Inn chungkhar nih an ngah mi ruak pawl zoh tik ah an thih hlan ah fak tuk in sersat a tong mi lawng te an si nain ralkap lei nih cun zawtnak ruang ah an thi tiah thawng an thanh. Hi bantuk in ralkap lei nih mipi duhning in an serhsat hna an thah mi hna cu a rianran nak in kham khawh ding in kan cawlcangh piak uh tiah AAPP lei nih forhfial nak an tuah.

Hi konghe pehtlai in Myanmar caan karlak cozah NUG lei siseh Human Rights lei Vuanci U Aung Myo Min nih ralhrang kawl ralkap lei nih an tuah mi sualnak record vialte cu tha tein kan lak hna I ramkip ah fak piin dantat khawh ding in kan tuah lai tiah thawng zamh nak ah a chim.

Be the first to comment

Leave a Reply

Your email address will not be published.


*