LAITLANG A UMMI HNA NIH KAN THEIH A HARH TAKTAK MI A SI

Catialtu: Van Hlei Sung. Mi ramdang ah rian a ttuan mi nih mirang holh in an ttial i keimah nih ka leh/ bia ka chap mi. (Mi tampi kan Laimi kan nu le kan pa le, u le nih an riantuannak ah an tonmi harnak) Ramdang Kan Sining/Nunning. Aho nih dah ramdang i tthial thawngin rum asi, saan asi an ti bal? Mah vialte kha lih asi. Ramdang kal a sullam cu, nehsawh, namneh, hro le soisel ton khi asi.

May be an image of 1 person, phone and indoor

Ramdang kal ti a sullam cu zingkaa tuan tein thawh le zaan tlaipi ih khi asi – achel cun mi theih lo kar ah thli tein ttah khi asi. Har lengmang in tangka hmuh mi zong hman khawh loin save hauh peng. Celh lo tuk buin nifatin lung tthawnnak i pek – ahar tuk zongah pah chih thluahmah. Tangka $100 (100kyats – 150kyats) hmuh khi zeitluk in dah ahar ti nan thei loh.

May be an image of child and outdoors

Inn phaak hnu kan ke, kan keng le kan baan fahtuk buin ihkhun hei panh peng. Vawlei nun temh har i ngaichiatuk caan ah nu le pa kuh ding hei hlam – mi tampi an nu le pa he an um lo tik ah kuh ding zong ngeih lo. Chantling te lawng kuh ding hei ngeih. Hi vialte leng ah ahlei in harnak kan tonmi atamtuk rih. Mah caah cun, nan inn chungkhar simi nih, $10 an kuat zongah i lawm.

May be an image of 1 person, child, standing, indoor and text that says "Reute Reute"

Faak piin thlacam piak. Mah $10 te hmuhnak ah khan zei harnak dah a ton ti na thei loh. Tuni ah hal kan duh mi cu, ramdang a um mi na miphun, unau le hawikom vialte caah thlacam dingin kan sawm. Nih sawh hrim hna hlah. Pathian lawng nih an temh tuarnak a theih. Credit: @Brendon A. Barnard. Cattialtu: Van Hlei Sung.

May be an image of indoor

Cabiadang: Kawlram le Japan nih an serchuahmi Mandalay Beer ah 193 million an sung cang. Hi konghe pehtlaiin thanhnak an tuahmi cu Myanmar Economy tawhtlaitu pakhat a simi Japan he hmunkhat ah an serchuahmi Mandalay Beer cu kan hnu July thla tiang thlaruk chung ah $ 193 million an sung cang tiah thanhnak an tuah. Hihi ralkap nih nawlngaihnak an lak hnu ah a cangmi asi. Hi vialte tangka an sunghnak an tuakning le an zumhning an chimmi cu ralhrang kawlralkap hna nih a liamcia February nikhat ah hramhram in uknak an lak hnu ah atubantuk in an sunghnak hi a si lai tiah an zumh.

Kirin Holdings hi kawlram sipuaizi tawhtlai le Mandalay beer serchuahnak ah share hmun 51 hi tawhtlaitu asi tiah an chim. Rampi buainak ruangah ei le din dawr an khar ruangah atu bantuk in sunghzatlak puicimh an ton hi asi tiah an chim. Asinain atu ahcun kawlram in chuah an i timh lonak le Covid ruangah rianttuannak zong aharsa ngaingai tiah Kirinb Holdings ah ruahnak petu Toru Yoshimura nih a chim.

Be the first to comment

Leave a Reply

Your email address will not be published.


*