ZEIRUANG AH DAH ASEAN HRUAITU HNA NIH UN HE AN I TON LO?

Taluk Sal ASEAN: June 7, tuni hi ASEAN hruaitu hna le Taluk ramleng vuanci zung upa hna cu Taluk ram ah an i tong lai i Myanmar buainak kong an i ruah lai tiah RFA nih a chim. Myanmar buai hnu ASEAN hruaitu hna cawlcanghning le Taluk cawlcanghning zoh lengmang tikah ASEAN cu Taluk sal menmen pei a rak si ko hi ti a lang chin lengmang.

ASEAN hruaitu hna cu Naypyidaw ah an ra i ralhrang bawizik MAH he an i tong. Cu pinah UEC upa hna he zong an i tong. Asinain NUG, CRPH le tlangcung hruaitu hna cu zeihmanh ah an rel hna lo, an kir diam.ASEAN hruaitu pahnih Naypyidaw i an rat hlan ah Taluk ramleng vuanci he tonnak an ngei hmasa. Cu hnuah Naypyidaw ah an ra. Naypyidaw in an kir hnuah atu bantukin Taluk ramleng vuanci zung upa hna he tonnak an ngei than lai.

Zeiruangah dah ASEAN hruaitu hna nih UN he an i ton lo? Ziah US he an i ton lo? ASEAN cu Taluk tlaihhipnak (control) tangah a um ti a fiang ngaingai. Taluk nih Myanmar buainak kongah lenglang tukin aa thlak duh lo nain a chungin cun aa thlak peng ko. Phundang cun Myanmar buainak kong i thlaknak caah ASEAN hi Taluk nih a hman ti khawh a si.

Zeitindah tuah an duh? Taluk le ASEAN nih Myanmar ram hi zeitindah tuah an duh? Tutan buainak hi zeitindah tuahremh an i timh? Atu i Thailand ram bantuk phun khin Taluk le ASEAN nih Myanmar ram hi an tuah lai. SAC nih rampi thimnak an tuah lai i USDP nih teinak an hmuh lai. USDP nih cozah an ser lai i mithat lainawng ralhrang bawizik MAH cu a ralbawi thuam i phoih in president an tuanter lai.

Cuticun Myanmar ram cu zaukphung le khongton uknak cawh hrup in ralthuam phoih ralbawi rual nih an uk lai. Hihi Taluk le ASEAN duhning a si.Atu i Thailand PM pa khi ralbawi a rak si cu mu! Ram a buai tuk tiin nawlngeihnak a lak le thla 6 chungah thimnak ka tuah lai a ti. Thimnak a tuah i amah party nih teinak an hmuh le a ralthuam i phoih in PM a tuan huar ve ko khi! Mah phun khi MAH nih a duh tuk vemi cu a si.Mah bantuk khi a si khawhnak dingah Taluk le ASEAN nih MAH cu a si khawh chungin an bawmh lai. Thiamnak lei in, hriamnam lei in, tangka lei in an bawmh ko lai. TCP Editor

Myanmar military gets billions from profitable business: Amnesty | Human  Rights News | Al Jazeera

Nizan June ni ruk CDF Mindat le ralkhrang kawlralkap i kahnak ah ralhrang kawlralkap minung 50 an nunnak a liam pin ah minung tamtuk hliam an tuar tiah thanhnak an tuah. Nizan i kahdohnak ah ralhrang kawlralkap hna cu battalion pathum bak an si. Asinain Mindat CDF an tei hna lo. Mindat CDF lei in minung pathum an nunnak aliam i, minung 20 hliam an tuar tiah an langhter.

Nizan i kahnak ah ralhrang kawlralkap hna nih hriamnam ngan an hman lawng siloin chemical aa telmi zong an hman rih. Cupin ah cunglei raltuknak zongin voihnih bomb an thlak rih, Nizan ah hin voihnih ralhrang le CDF mindat cu i kahnak a chuak. A voikhatnak an i kah ah CDF Mindat lei in minung pahnih nunnak aliam i, minung paruk hliam an tuar.

Ralhrang kawlralkap lei in minung 40 an nunnak aliam pin ah hliam atuarmi tampi an um hna. Cun a voihnihnak an i kahnak ah ralhrang kawlralkap lei in minung 10 an nunnak aliam i,hliam apu mi zong an um rih. CDF Mindat lei in minung pakhat a nunnak aliam i, hliam a tuarmi hi minung 15 an si ve tiah an langhter.

Be the first to comment

Leave a Reply

Your email address will not be published.


*