UN NIH RALHRANG KAWLRALKAP RALRINNAK AN PEK HNA

UN Nih ralhrang kawlralkap pawl ralrinnak a pek. Ralhrang kawlralkap hna nih rampi nawlngaihnak an lak hnu ah thahnawnnak le hremnak phunphun le tlaihkhihnak an tuah mi ngol dingin UN General Secretary office nih kawlralkap ralhrang pawl cu ralrinnak a pek hna. Ralhrang kawlralkap hna nih nawlngaihnak an lak hnu ah an thah mi hna hi minung 930 an si cang ti a si.

Cun hliamtuar mi hna hi a thong leng an si hna. Hi bantuk in phungning loin cawlcanghnak an tuahmi hi dantatnak pek dingin kawlram ah a ummi UN zung nih halnak an tuah tiah New York i UN Head Office ah chimnak nawlngeitu Eri Kaneko nih a chim. Ralhrang kawlralkap hna nih mipi buainak apetu le mipi inn le lo, phungning loin a hrawhhraltu hna cu phungning bangin dantatnak kan pek hna tiah lehnak an tuah ve.

U.N. Style on Twitter: ".@UN_Spokesperson's Eri Kaneko takes to the podium for her daily briefing debut! http://t.co/b4rsnRB2kX"

Ralhrang kawlralkap cozah dohkalh ruangah tlaih a tongmi Kawlram minthang Pyay Ti Oo cu Insein thonginn chungah caan a hman cuahmah lio ah hringtu a pa Dr. Tin Maung Oo cu covid zawtnak in a nunnak aliamtak. A pa thihnak konghe pehtlaiin Pyay Ti Oo a farnu Ngwe Ti Oo nih a chimmi cu, ka tuahpiak kholo tiah i chirnak um lo dingin ka si khawhchung in ka pa ka buaipi i ka tuahpiak.

Ka duhthimnak a si lo caah ka duh ning in thil a kal kho lo ee, lungnuam tein i din ko kun law tiah cabia alanghter. Pyay Ti Oo le a nupi Eaindra Kyaw Zin cu ralhrang kawlralkap hna nih nawlngeihnak an lak mi an dohkalh i biatak tein an cawlcangh ruangah February ni 17 in tlaih dingin cathanh an chuah. A hramthok ahcun an zam. Asinain an fale hmangin ralhrang nih hrocernak an tuah hna ruangah an mah te in an i pe.

Atu hi thlali renglo Yangon Insein thonginn chungah an um cang, zeitik ah dah an chuah hna lai timi zong theih a si rih lo. Culawng siloin thonginn chungah an umtuning an dirhmun a that le that lo zong zeihmanh theih an si lo. Nai ah ralhrang kawlralkap hna nih minthang tthenkhat ngaihthiamnak cathanh an chuahmi zongah an nupa in an i tel lo tiah ti asi. Atu bantukin thong a um lioah apa nih a thihtak hi a si.

Be the first to comment

Leave a Reply

Your email address will not be published.


*