TULUK BIACHIM MI CU LUNGRAWK TAKTAK A SI KO

June 8 China ram Chongqing ah tuahmi ASEAN ramdang pehtlaihnak vuanci le China ramdang pehtlaihnak vuanci pawl tonbiaruahnak ah China ramdang pehtlaihnak vuanci Wang Yi nih ralhrangbu ramdang pehtlaihnak vuanci sin ah Kawlram nih a thim mi lam poh ah kan dirpi lai tiah a ti. Wang Yi nih Kawlram he hawikom kan si nak lungput cu ramchung le ramleng thil sining thawngin a thleng lailo tiin a chim.

Nizaan Chongqing ah tuah mi China-ASEAN pehtlaihnak kum 30 tlin ton biaruahnak ah Wang Yi nih ASEAN cungtel hna cu Kawlram kongah namneh lo ding le ASEAN hnatlaknak 5 cu China zong nih kan dirpi mi a si. Kawlram cu phunghrampi tangah ramkhel chawnhbiaknak tuah i democracy dirhthan dingin thazaang chuah cio dingin a forh hna. Wanah Maung Lwin nih Chongqing ton biaruahnak ah Ralhrangbu nih a thanhmi riantuannak 5 lawng hi lam a um chunmi a si. UEC thar kan fonh mi le Covid-19 i vennak, Sipuazi dirhthan ding pawl hi SAC nih a timh mi a si tiah a chim. TCP

Chinese Vice President vows to further ties with Myanmar

Thawngpang dang: Ralhrang Kawl Ralkap lei nih General Aung San video cu lim lawlaw dingin thlak ding an I timhtuah mi cu Lu Min nih a cohlang lo. Ralhawng Kawl Ralkap lei nih General Aung San video thlak mi cu dih lawlaw in thlak ding an I timhtuah mi cu Lu Min nih a cohlang lo tiah Insein thong ah Lu Min he chiahti a rak si mi Japan thawnglatu pa Yuki Khita Zu Mi nih a chim.

Aliamcia May thla ni 16 ah ralhrang kawlralkap lei nih rian an khinh mi biaknak lei vuanci U Ko Ko le Aung San video tuahnak ah a tal ding mi hna siseh History lei thiamsang cheukhat hna tawlrelnak in Aung San video cu Lu Min hruainak in thlak bang a rak si cang. Asinain Aung San video cu a mah Lu Min ruahnak tal lo in dih ding law law in kan thlak lai tiah meeting tuah in biakhiah nak an rak tuah.

Lu Min cu Ralhrang Kawlralkap uknak duhlonak a langhter ruang ah tlaih a tong. Japan thawngla tu pa zong cu thawngpang a laknak ah ralhrang kawlralkap nih April ni 18 ah an tlaih I Insein thongah an chiah ve. Thong chung ah Lu Min he a kan chiahnak khan a tlaih caah a kua tein bia kan I chawn bia kho I cu ah cun Lu Min nih hibantuk in ralhrang kawl ralkap lei nih Aung San video dih law law ding in an thlak ding cu ka lung a tling lo.

Zeicatiah an duhnak zawnte lawng kha thlak in mipi hlen an timh hna caah a si. Zeitik hmanh ah kan lungdong lai loh, hi ralkap hna nih an mah duhning in aa kan uk nak hi zeitik hmah ah kan cohlang lai loh tiah a ka chimh tiin Yuki nih thongin a chuah hnu ah a chim. Yuki cu ralkap lei nih May thla ni 24 ah an thlah than I a umnak Japan ram ah a kir than cang.

Aung San video thlak an timhtuahmi hi mipi hna nih an rak I ngeihtuk mi arak si nain ralhrang kawlralkap lei nih tawlrelnak in an thlak ahcun mipi hna nih zoh loin ralhrang kawl ralkap cu thawng chinchin in doh ding in Lu Min nih cun bia a ka cah tiah a cunglei langhtermi Japan thawnglatu pa nih a chim chap.

Be the first to comment

Leave a Reply

Your email address will not be published.


*