TUK BAK A SUUM KO. CAZIN AN VUN LANGHTER DIH CANG

Ralhrang nih nawlngaihnak an lak hnu in mipi umnak inn an khangh mi cazin an langhter cu tuk bak a sum ko. Ralhrang nih an khangh mi hi Inn 7248 a si cang tiah Data For Myanmar nih a langhter. Hi chungah Sagaing ramtthen chungin Inn 4426 an khangh cang i Magway ramthen ah inn 1148 an khangh cang. Cun Chin ramkulh chungin Inn 1121 an khangh cang.

Culawng siloin Kaya ramkulh chungin Inn 357 an khangh cang i Shan ramkulh chung ah Inn 93 an khangh. Mandalay ah ramthen ah Inn 38 asi i, Shan ramkulh ah inn 93 an khangh. Taninthari ramtthen ah Inn 29 an khangh i Pago ramthen ah Inn 24 asi. Cun Kachin le Karen ah inn 12 asi tiah an khanghmi cazin an langhter.

Ralhrang kawlralkap hna nih tukum February thlachung lawngah an khanghmi Inn hi Inn 2882 a si. Thlakhat chungah mipi inn an khangh tambik thla a si. Tu thla March Ni 15 tiangah ralhrang nih rampi huap in mipi inn an khangh mi hi Inn 1121 a si cang tiah an langhter chih rih.

Tuthla March Ni 16 lawngah ralhrang kawlralkap hna nih Sagaing ramthen Khin Oo peng i, Kalalu khua le Sia Lwin khua ah Inn 138 an khangh piak hna. Hi konghe pehtlaiin khuami pakhat nih a chimmi cu a hmasa ah Kalalu khua an luh hnawh i cu hnu ah kan khua Sialwin an rak lut. Khuachung cu hriamnam nganpi in an kah thluahmah.

Inn an khangh, Inn pakhat aman hi an thei lo a si lai. kannih mipi nih cu kan tuar taktak i kan ngaih a chia hringhran. Inn pakhat sak dingah Lo thlo mi hna nih zeiltuk in dah kan i zuam timi an thei lo. Chungkhar Nu bik le pa bik hna cu inn kangh ruangah ngaihchia le lungkuai kan um hna tiah alungfah nak bia a chim.

Ralhrang hna nih tutan ah Kalalu khua ah an khangh mi inn hi Inn 75 a si i, Sialwin khua ah an khangh mi hi Inn 63 a si. Inn a kangh cuahmah lio ah mipi mei hmit dingin a kalmi zong ralhrang hna nih an kham hna pin ah hriamnam ngan in an kahchih ti a si. Tuthla thiamthiam ah Khin Oo peng ah inn 2500 tluk an khangh cang tiah an langhter chih.

Be the first to comment

Leave a Reply

Your email address will not be published.


*