SAYA THAWNG THA THANG KONG BIBLE HMANGIN A CHIMMI CU A TTHATUK EE

Khrih lungput a ngeimi Rev. Thawng Tha Thang. Bible Cathiang nih cun, Pathian chungah kan um, a timi paoh nih cun Jesuh Khrih bantukin kan um awk a si, tiah a ti. ( Johan 2 : 6 ). Cun Jesuh zong nih, Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian,” tiah a ti. ( Johan 10 : 11 ). Hallelujah. Cu bantukin cun nihin ah Rev. Thang Tha Thang nih,

Ka miphun an nun khamh khawhnak ding a si ahcun ka nun hi pek ka sian ko,” tiah a timi bia ka van theih cu amah bantukin Pathian chungah a ummi Laimi zumtu minung kan um ti hnga maw aw tihi ka ruat colh. Upat lo awk zong a tha hrimhrim loh. Ka uar kho tuk. Cun a thinlung put hrimhrim hi Khrih nih a rak ngeihmi lungput cu a si tiin ka hmuh fawn. Kan biakmi Pathian nih a riantuannak ah tlamtlinnak le thlachuahnak pe chinchin ko seh.

Saya Thawng, na thinlung put a hngaltu kan biakmi kan Pathian nih na herhmi zeizong vialte ah damnak le lunglawmhnak le hngangamnak le saduhthah tlinnak le theinak taktak cu an pek hrimhrim lai. Cu bantukin Jesuh nih, “Keimah kha teitu ka si i ka Pa pawngah a bawiṭhutdan cungah ka ṭhut bantuk hin, teitu a simi cu ka bawiṭhutdan cung i ka pawngah ṭhutnak nawl kha ka pek hna lai,” tiah a ti. ( Biathlam 3 : 21 ). Kan dihlak tein Saya Thawng lungput bantuk hi ngeih khawh i zuam cio hna u sih.Careltu nan dihlak chungah daihnak Pathian cu um ko seh. Credit: Johnly Fambawl

Ca bia dang Theih Aphu Taktak:Tuzarh hramthok hrawng in khan, CDF zong hi ka zum hna lo, an cawlcangh a dik lo ti bantuk in biachim mi social media cahmai le comment tete ah hmuh a si. Hi bantuk biafang dawh lo CDF pasaltha le nusaltha cung ah zeitin dah kan chim khawh, cun hi bantuk bia dawhcah lo a chuah nak a ruang bik zoh tikah, Khrihfabu tanhnak, mah chungkhat le mah khua tanhnak thinlung in a chuak mi a si.

Zeitindah kan thutnak hmun in CDF hi kan soisel ngam hna hnga timi ruah ding a um: CDF pasaltha nusaltha hna hi, mino tete, mifim cathiam le hmaiei chunmang tampi he nitin nunnak caan a hmang cuahmah mi an si nain, an rumra ngeihnak, an chunmang vialte kal tak in, Furpi, cangvat le khuasak, nilin lak ah Lai meithal he ralhrang Min Aung Hliang a dir onh mi an si timi hi philh lo ah a tha.

CDF pasaltha nusaltha hna hi, mithat Lainawng men men an si lo. Laimi chung in mirum deuh, mah tein a thudir kho tuk mi, mah inn le lo ah nuam tuk in a thudir kho mi tampi CDF chung ah an um. A si nain Miphun zawn an ruah ruang ah, ram lak ah ihnak reprai ngei loin, Fikfa le khuasik lak ah harnak an tuar. Vawleicung fimthiamnak puitling in ser mi, hriamnam, bomb le Meithal thatha kha, Lai meithal te he an dir onh.

A ngai ngai ti ahcun Miphun an dawt ruang ah ram lak ah harsatnak an i thim lawng a si lo, an thisen tiang an thap, nihin tiang ah CDF pasaltha nih an nunnak an pek len cang. CDF/ CNF a dirkamh ngai le ram dawtu taktak bantuk in facebook cahmai kip ah aukhuan ngai, a si nain mah chungkhat, Khrihfabu, pengtlang le mah khua kong a hun phak ahcun CDF le CNF tu misual bantuk in hmuh tthan timi politics hi kan ral sunghnak a si lai.

Cu caah nunnak thap in ramlak ah Lai meithal he ral a do cuahmah mi, nuamhnak le chunmang thatha vialte kal tak in, harsatnak le thisen luannak lam aa thim mi CDF/CNF hna hi kan soisel tuk hna ding a si lo. Mah thut hmun in au tuk nain, ram lak ah va kal lawlaw ve law, an fiang lai. Siaherhnak he.. Photo Credit: Salai Propagandist

Be the first to comment

Leave a Reply

Your email address will not be published.


*