RALHRANG KAWLRALKAP LEI NIH BIA KA KHAT TEIN LEHNAK AN TUAH

U Kyaw Moe Tun Thah Timhnak Kongah Ralhrang Lei Nih Lehnak An Tuah: UN ah Myanmar (NUG) palai a simi U Kyaw Moe Tun thah timhnak kongah ralhrangbu ramleng vuanci zung nih August 9, zaan 8:00 pm ah MRTV in lehnak an tuah. Lehnak an tuahmi cu Hi kong hi US ramchung thil a si caah an ram phunglam (upadi) ningin biakhiah dantatnak an tuah ding a si ko.

Myanmar he zeihmanh pehtlaihnak a ngei lo ti hi a si. Hihi U Kyaw Moe Tun thah timhnak kongah ralhrang lei nih lehnak an tuah a voikhatnak a si. Mi tampi nih cun hi kongah a thli in ralhrang an i tel/rawlh hrimhrim lai tiah an zumh. Curuangah atu abantuk kanmah he pehtlainak a ngei lo tiah an thanhnak hi a si.Cu lawng si loin U Kyaw Moe Tun cu UN ah Myanmar palai sinak in phuah a si cang nak le rampi zuarthlai sualpuhnak in tazacuai a sinak zong an thanh chih fawn.

U Kyaw Moe Tun thah timhnak hi vawleicung hmunkip ah a ummi Myanmar ralhrangbu a dohtu hna thihphaihnak le hrocernak pakhat a si i US Cozah cu U Kyaw Moe Tun lei ah kan dir ko tiah UN ah US palai a simi Linda Thomas-Greenfield nih a thanh cang. U Kyaw Moe Tun thah a timtu Myanmar mi pahnih Phyo Hein Htut le Ye Hein Zaw cu tlaih an si cang. Zeitikah dah an bia ceih a si lai ti cu cozah nawlngei hna nih thanhnak an ngei rih lo. Credit: TCP

Thawngpang dang:Lunglawmhnak Roca. Nangmah Pu Lian Bawi cu miphun le ram a dawtu pasalttha pakhat na si bantukin Chinland Defense Force-Lautu (CDF-Lautu) rianttuannak caah tiin Bawipa nih thluachuahnak an pek mi na ngeihchiah na chawva ui lo tein ting 80 ( 8,000,000 kyats) na kan hlut caah CDF-Lautu supporting committee, Malaysia nih lunglawmhnak Roca hi kan in pek. Chairman Van Bawi Thang, Secretary Thang Tin Lian.

Malaysia ah a um mi Pu Lian Bawi nih CDF-Lautu caah CDF-Lautu caah caah ting 80 bak bawmhnak a pek tiah kan theih. Malaysia a um mi nih hi zatzat Phaisa ram le miphun caah a pek cu thangthat a tlak hringhran. Hi kong he pehtlai in Malaysia hram bunh, CDF-Lautu Supporting Committee nih lunglawmhnak zong an langhter.Nangmah Pu Lian Bawi cu miphun le ram a dawtu pasaltha pakhat na si bantuk in Chinland Defense Force-Lautu (CDF-Lautu) riantuannak caah tiin Bawipa nih thluachuahnak an pek mi na ngeihchiah chawva ui lo tein (8,000,000 Kyats) na kan hlut caah CDF-Lautu Supporting Committee, Malaysia nih lunglawmhnak Roca hi kan i pek” tiah an langhter hi asi.Malaysia ah a um mi nih hi zatzat phaisa a pek hi cu upat le thangthat tlak hrimhrim a si. Miphun a dawtnak, kan miphun zalennak caah zeitluk in dah a ngaihchiah chawva a sian timi zong hmuh khawh a si. Pathian nih Miphun le ram dirkamhtu ding ah thluachuah za pe chin zungzal ko seh.

Be the first to comment

Leave a Reply

Your email address will not be published.


*