PU ZING CUNG BIACHIMMI CU VAWLEI BIAROLING PAKHAT A SI

Raldoh cu Lungthin in Doh a si, Zei bantuk hriam tha hmanh hi lungthin thawnnak he hmanṭi lo ahcun an hnol dih tiah kan Chinland ralbawi Pu Zing Cung biachimmi cu vawlei biaroling pakhat a si. Nihin kan Dohthlennak zong cu lungthin in doh a si i cu nih cun teinak a kan hmuhter ve lai.Tahchunhnak zoh hmanh! mino David nih a rak hmanmi lungherchehnak cu hriam fa te a si ko nain a Lungput, a Zumhnak le a Nunthapnak hna he hmunkhat tein an i ṭom tik ahcun dong kua sangmi Filistin ralkap hrang Goliath cu thinkung phur in a phur ko.

Cu ve bantukin nihin ah kan Lai meithal cu AK47 M1️6 le G3️ te pawl sin ahcun hriam fa te a si ko.Sihmanhsehlaw kan Chinland a vengtu nusaltha/ paraltha hna nih miphun caah Pumpeknak, Nunthapnak, Zumhnak le Lungthin thawnnak he an hman tik ahcun ralhrang ralkap hna cu ui ar hrilh in lamthlang ah an hrilh hna kha zapi theih a si ko.Cucaah kan dohthlennak cio ah hin kan thinlungput hi hmai sak ter zungzal ko hna u si.

Thlennak a duhmi lungput taktak he kan ralpa MAL le a ralbawi hna cu kan dohṭi hna ahcun an thih nikhat kan tuanhter deuh hrimhrim lai timi hi philh hna hlah u si. Kan Dohthlennak kan khelmi nikhat tuan deuh in kan hmuhnak ding caah cun zapi hmunkhat tein dirṭi a herh bik caan a si. Pu Thla Hei Lian bia in cun, A tak dohthlennak cu mizapi kan ṭanṭinak lawnglawng in hmuh khawhmi a si, a ti.

Khah! Chinland pasal le nusal hna kan lungput i sersiam cio ve in kan dohthlennak cu kan rak manh zungzal mi mah kong mah tein khuakhan lairelnak (Federal Democracy) ah thlengṭi hna u si.@siapiraldo တိုက်ပွဲရှိရင် -အောင်ပွဲရှိတယ်, စစ်အာဏာရှင်စနစ်-မုချကျရှုံးရမည်. What is happening in Hakha ,we support CDF

Be the first to comment

Leave a Reply

Your email address will not be published.


*