PU NGUN SAN AUNG A PU CU AA NAWNNOK DIH KO CANG HIH

Min Aung Hlaing a mualpho, phunghram ah a um lomi pi a tuah. Ahramthok an rak kalning he ai dang tuk cang. Ralhrang kawlralkap nih Inn Hngak Acozah thar an dirhmi ruangah thiamsang hna nih an vun chimphuan. Nizan ah ralhrang kawlralkap nih Administration Council Committee za-ka ah Inn Hngak Acozah an dirhnak kong thawngthanh nak an tuah.

Ralhrang hna nih nawlngaihnak an lak ka ah State Administration Council an rak dirhmi hi 2008 phunghrampi ning cun mipi nih an cohlan le cohlan lo cu um rih seh. 2008 phunghram ning deuh in ruahpah khawh deuh asi lio ah Inn Hngak Acozah thar an vun dirhmi hi cu 2008 phunghram hi an hlonh tinak maw asi? Asiloah phunghram kalh in dah ralhrang pawl hi an kal timi ruah ahau cang.

A minung i thlennawnnak zong a um lo. A min lawng an thlen tikah thiamsang hna cuanhnak ahcun 2008 phunghram he ai kalh maw? Cu a siloah phunghrampi hi an hrawhmi maw asi timi biahalnak pakhat a um. Atu i an dirhmi ah rampi Prime Minister ah ralkap State Administration Council Chairman, Vice Prime Minister ah State Administration Council Vice Chairman, Union Ministers le adang hna an si.

Ahramthok an min State Administration Council can aiah Inn Hngak Acozah tiah an vun i thleng mi a si. 2008 phunghram an hrawk lo, nawlngaihnak an lakmi ah rampi phunghram bantukin kan kal lai tiah thanhnak an tuah. Atu ahcun 2008 phunghrampi ah a um lomi Inn Hngak Acozah an dirhnak an vun langhter tthan. Tutan an tuahmi Inn Hngak Acozah timi hi Ne Win nih a rak dirh ning he aidang.

Aliamcia kum 1958 ah Ne Win nih Inn Hngak Acozah a rak dirhmi le Min Aung Hlaing nih tutan ah a dirhmi Inn Hngak Acozah hi pakhat hmanh ai khahnak a um lo. Ne Win nih inn hngak acozah a rak dirh lio ah phunghram he ai kalh tuk caah khuakhan lairelnak parliament acozah an rak hrawh dih. Nawlngaihnak kan lak tiah fiangtein thanhnak an rak tuah.

Ne Win nih kum 1947 phunghrampi a rak hrawh dih hnu ah Inn Hngak Acozah a rak dirhmi a si. 2008 phunghrampi chungah Inn Hngak Acozah dirh khawhnak pakhat hmanh a um lo. A hramthok ah ralhrang hna nih an rak kalpi ning State Administration Council hi cu 2008 phunghrampi Section 417 bantukin dirhmi a si. Hi tiang hi cu buainak a um rih lo. Sihmanhsehlaw atu inn hngak acozah a dangin an dirhmi hi cu 2008 phunghrampi ah a um bak lo, tiah thiamsang hna nih an chim.Mizzima

Be the first to comment

Leave a Reply

Your email address will not be published.


*