NIZAN RALHRANG NIH LUNGLER AH CNA LE CDF AN KAHNAK VANLONG KHA

Nizan ralhrang kawlralkap nih CDF le CNA an kahnak vanlong kha Russia nih a serchuahmi asi. Nizan ah Lungler ralhrang kawlralkap sakhan cu Chinland Defense le Chin National Army i fonh in an kah. Cu i kahnak ah ralhrang kawlralkap hna nih cunglei raltuknak vanlong jet in bomb voiruk an thlak. Mah raltuknak Vanlong kha ralhrang kawlralkap hna nih Russia sin ah an cawkmi asi i, Russia sermi asi.

Mah raltuknak vanlong hi a min MIG-29 tiah kawh auhmi asi i, Russia nih a sermi a si. Kawlralkap hna nih raltuknak vanlong an ngeihmi hna hi Russia le Ukraine serchuahmi an si tiah an chim. Nizan i an kahnak vanlong kha Meithila Airbase in a rak rami asi tiah an chim chih. Ralhrang hna uknak an lakhnu ah Russia le Ukraine nih hriamnam tamngai ralhrang sin ah an kuat tiah JFM nih alanghter.

Kawlralkap hna nih a liamcia kum 2015 thok in Ukraine sin ah Raltuknak TIlong le Tank spare parts an luhpi lengmang ti asi. UN General Assembly ah hriamnam kawlram ah zuar ti lo ding an rak ti zongah Ukraine nih arak dohkalh fawn cang. February thla ah khan Ukraine nih Kawlram ah aircraft engines le Missiles zong Yangon i, Private aircraft company pakhat a si mi Sky Aviator sin ah arak kuat cang ti asi.

Cun March ni 31 zongah Turbocharged engine parts zong a rak phan rih ti asi. Kawlram le Ukraine hi ralkap lei tthanchonak dingah a liamcia kum 2018 ah min an rak thut i, cu ahcun Ukraine nih kawlram ah hriamnam kuatmi chungah air surveillance radar system le Armored cars, Aircrafg engines cun tank tibantuk zong ai tel chih. Ralhrang kawlralkap hna nih cunglei in raltuknak atuah nak hi Chinram le Kachin, karen hna ah asi cang tiah an langhter chih asi.

Myanmar Air Force MIG 29SMT မြန်မာ့လေတပ်ရဲ့အမာခံ အမ်အိုင်ဂျီ - YouTube

Thawngpang dang: Chinram chungin palik 20 nih CDM an tuah cang. Zarhkhat ti awk ah Chinram chungin palik CDM atuah mi hi minung 20 renglo an si cang. September nikhat in tuni ni 11 tiangah Chinram chung palik minung 20 renglo CDM an tuah cang tiah theih asi. September niruk ah Rih palik minung paruk hna cu CDM an rak tuah. Cun September nisarih ah Tonzang peng Myomah palik minung panga CDM an rak tuah rih, Cun September niriat ah Cikha khua ah a ummi Palik minung pakhat Tuan Deih Piang CDM arak tuah tthan.

Cun September nikua ah Rih palik minung pariat CDM an tuah tthan. Minung pariat chungah minung pasarih hi Falam pengmi an si i, pakhat tu hi Paletwa peng Sami khuami a si. Cun nizan September nihra ah ramkulh paik zungin minung pathum CDM an tuah tthan i, tuni September nihleikhat ah Chinram kulh palik officer tel in minung pathum Hakha palik sakhan hmu telh in palik sergeant (ရဲတပ်ကြပ်ကြီး) le ရဲတပ်ကြပ် minung pathum CDM an tuah tthan an dih lak in minung 26 an si tiah an langhter.

Be the first to comment

Leave a Reply

Your email address will not be published.


*