NA REM LO RUANGAH NA PENGTLANG HRIAMTLAI NA TTANH KHA PALH ASI

CNA/F na rak rem lo ruangah na pengtlang hriamtlai ttanhtuk kha palh asi. CDFs le CNA/F hi interview kan ngaih tawn tikah CDFs le CNA/F cu kan I khat/lo ko dahkaw tiah an pahnih hmurka chuak a si deuh peng ko. CNF hi ramkip nih dirpi cio si. Nain micheu zeimawte lungput bel ruah ah sia a rem kho hrim lo. Aa khat ko mi kha CNF na rak remlo ruangah na khua le peng CDF rumro dirpi kha palh khua iruah sualmi asi.

Mah cu hihi si, CNF arem lo nih CNF ka rem lo tiah chimphuang duh loin heh tiah mah peng/khua CDFs lei ttanh rumro phun in aa la mi kan um len hi apoi taktakmi le ruah palh mi cawlcanghnak a si.Kum 70 chung raltu cangmi le hriamnam aa khonmi ralhrang,vawleicung ram tampi ralkap thazaang le hriamnam ngei cuaithlainak ah ralhrang hi 34 nak aha dirmi asi.Asian ah rlahriamnak thazaang ngei cem si tiah ASIAN ram lei cuaithlai tu USA pa nih a chim kha zapi theih si.

Cucaah hi SAC ralhrang hi Aittek chawlkawn phun in kan va kawn hna lai tiah ruah meimei lo ding si.Ciamciam tein timh le tuk haumi,raltuk lee he kawlram ramkhel leiah theihnak kaumi hna luzik ah kan chiah hmasa aherhtuk.Mah lo cun kan ichuah sual lai.Raltuk tikah mah himnak abiapi cem bang,I chuaksual loding khaa biapi tukmi si caah ngakhur cia surcheh phunin fawi talek in ruah lo biapi.

Na pengtlang le khua min in tei meimei dingmi ral an silo,Cunglei in hruaitu ttha le felfai te he cawlcangh haumi ral kan tu kan do tihi philh hna hlah usih. Mah khua le peng CDFs kha dirpi ding siko,nain a cunglei ka chimcia bang khan cun khurkhuaruah le tuaktan lo deuh kan hau. Chiandeuh thongkhat kha an hruaitu/support a dik lo cun Uico tlukah an ichuah,Uico thongkhat kha an hruaitu/support adik le tthat cun Chiandeih thongkhat nakin an tthawng deuh.

Cucaah faktuk in ka dirpi mi nih hin zeitiang dah kar ahlan khawh te lai ti tuak hau.Faktuk in kan dirpi mi hi a dirpi ning kan ipalh cun zei huaha lo ah chuah afawite.Na peng le khua dirhmi ralkap an temhmai,na tangka heu rih/mannei lo ah aa chuah kho rih. Cucaah ahmasa cem le luzik ah kan chiah peng dingmi cu CNA/F hi an si tikha philh lo a hau.Atu kawlram/Chinram kan boruak pi ahhin,rak remlo mi zong komh le rem caan,aa rak ihua mi zong huat ti loding,zeitin dah Asian ramah atthanwg bik SAC ral pi hi kan tei khawh lai timi kha number one ah ruah caan si. Credit: Chinland 7 post.

Be the first to comment

Leave a Reply

Your email address will not be published.


*