LEHNAK A KA TUAH BANGIN KA VUN LEH VE KO LAI BY RL PA HEI

RL Pa Hei: Khah Johnly Fambawl nih lehnak a ka tuah bang in ka leh ve ko lai. Pathian chaw cu Tlangbawi lawngnih an ei awk a si, tiah ka tial mi kha Main point ah chia in Bible konglam ruat lo in Personalism ( Rual Uk ) ttanh nak deuh in a ka leh. Kei nih Rual Uk pumpak dohnak si lo in CNF bomhnak kong kha bomh hna ding an si tiah ka Comment mi ah tu bantuk in Lih dia nih an phozar chin caah a mah Johnly Fambawl leh ka duhnak a si.

Pathian nih Cheuhracheukhat cu keimah ta a si a ti, i thawhlawm inn ah rak pu uh a ti ( Mal 3:10) Cu pekmi Cheuhracheukhat cu Tlangbawi caah thiantermi Aron fapa hna le, Livi Miphun lawngnih an ei.Thianter mi hna lawngnih tlangbawi an si ( Lev 8:6).Cu pekchanmi Thawinak cu tlangbawi nih Bawipa biaktheng cung ah tonnak thlam inn kaa ah cun, a theh lai irim thaw a khangh lai.( Lev 17:6).

Hi pekchanh mi cu Thlangbawi caah thianter mi hna Levi mi le Aron fapa le lawng nih an tongh khawhmi a si i tihi Bible cawnpiaknak a si.Thawhlawm (1/10) cu tlangbawi caah thianter mi le Chiti thuhmi lawng nih an ei i an tongh caah Khrihfabu le Denomination nih tlangbawi caah Chiti an thuh mi fulltime Minister Pastor Tangbawi lawng nih an ei awk si Free Evangelist pawl nih tongh khawhnak ding a lam a um lo. Unau pa Johnly Fambawl nih leh rulhnak a ka tuahmi le kei nih Saya Rual Uk ka lehnak main point hi a dang tuk. Cucaah Unaupa Johnly Fambawl na hna bei in au ti hlah tiah ralrin kan pek.

Johnly Fambawl Cabia:Laimi Free Evangelist vialte hi Pathian chaw ( cheuhra cheukhat ) a ei hmurmi lawng te an si tiin ca na rak tialmi hi cu na palh cikcek hih. Zeicatiah Laimi Evangelist hna nih hin Pathian chaw a simi cheuhra cheukhat hi an ei hrimhrim lai loh. A sawmtu le a cahtu hna Church ( Kohhran ) Pastor le upa hna nih Pathian chaw a simi cheuhra cheukhat in an sawm hna caah le laksawng ah an pek hna catu ah khan a si khomi a si.

Cucu Laimi Evangelist palh zong a si loh. Zeicatiah Evangelist nih mi Kohhran chung in Pathian chaw a simi cheuhra cheukhat cu chim hlah a dang tangka hmanh an tawng kho loh. Cucaah cun Laimi Evangelist sual le palh phun deuh in ca na tialmi hi cu a hmanmi a si hrimhrim loh. A ruang cu Kohhran pastor le upa hna nih cheuhra cheukhat tangka in an sawmmi hna le laksawngah an pekmi hna a si ahcun cucu Kohhran pastor le upa pawl hna sual le palh tu kha a si hnga!

Zeicatiah sawmmi le chahmi Laimi Evangelist hna nih hin an kalnak Kohhran thawhlawm siseh, Pathian chaw a simi cheuhra cheukhat siseh, a dangdang tangka siseh anmah nawl bakin i lak in an ei hrimhrim loh. Laksawng an pekmi hna pin in cun mu. Cucaah cun na catial hi na palh bak ko. Minung nih kan i ngeihmi midang cungah hei hmuh suannak lungthin put tuin hi ca hi nan van tial le a si ee. Crd: Johnly Fambawl

Be the first to comment

Leave a Reply

Your email address will not be published.


*