KHAMH MI NA SI LAI LE SI LAI LO THEIHFIANNAK HMELCHUNHNAK 5

Khamh Mi Na Si Lai Le Si Lai Lo Theihfiannak Hmelchunhnak 5: Vawlei buainaak le COVID-19 ruang ah atu kan chan cu cu hlan kan chan nakin thih a fawi chinchin. Atu ah thi law khamhnak na co taktak hnga maw? Vancung ah na kai taktak hnga maw? Cucu theih fian na duh ahcun a tanglei hna hin rak i check. Pakhatnak. THEOLOGICAL SIGN (ZUMHNAAK HMELCHUNHNAAK). Khamhnak co ding na si le si lo theihfiannaak pakhatnaak cu na zumhnaak (Theological matter) hi asi.

Pathian nih a Fapa thisen in an khamh i ka fa na si cang tiah Bible ah a timi hi na thinlung dihlak in na zum maw? Nai hnangam pi kho maw? Lunghrinhnaak na ngei sual maw? Siremlonaak hna na ngei sual maw? Khamh ka si sual lo kho men na ti i lungawtawmnaak na ngeih ahcun Pathian na zumh thlu lo khi asi hnga. A bia ah na dir ngam lo bia asi hnga. Khamhmi cazin ah nai tel hnga lo.

Pahnihnak. SOCIAL SIGN (MIPI LAK SINING HMELCHUNHNAAK).Khamhmi kan si le si lo a langh ter tu pakhat rih cu mipi lak i kan nunning nih a langh ter fawn. Biakinn chung kan sining le innlak kan sining ai dang tuk sual maw? Ka hrintthan na timi hi na nupi nih an zum maw? Na fanu nih a zum ve maw? Na innpa nih an in zum maw? Na hawile nih an zum maw? Cun, nangmah nih teh ka hrintthan ko na timi hi na nunning na zoh tikah nai hnangampi kho maw? Na nupi le na fanu hmanh nih ka hrintthan na timi kha an in zumh lo ahcun ruah awk tampi a um.

Pathumnak. MORAL SIGN (ZIAZA LEI HMELCHUNGHNAK). Jesuh ka zumh, a khamhnaak ka cohlan, ka hrintthan cang na ti hnu ah mi cung ah dawtnaak, zawnruahnaak le zaangfahnaak na ngei deuh hlei maw? Tangdor nun na ngei deuh hlei maw? Nangmah ningte dah na si? Nai ttamh ning ai dang cang maw? Na uarmi ai dang cang maw? Na huammi ai khat ko dah?

Palinak. SPIRITUAL SIGN (THLARAU LEI HMELCHUNHNAAK). Aho fial loin thlacam nun na ngei maw? Pathian na hlam maw? Vansannaak na ton caan ah aho dah na hlam? Pathian bia ah nai nuam maw? Pathian bia hi na caah a thlum maw? Pathian bia ngaih hi na caah ingpuannaak lawngte hna asi sual maw? Sau deuh phung a chimmi kha pumpaak in na hua sual hna maw?

Panganak. DOCTRINAL SIGN (ZUMHNAK DIRHMUN HMELCHUNHNAAK).Pathian aw a si lomi hna Pathian aw asi ti na hmang sual maw? Thlarau nih a peek lomi, nangmah nih na phuah chommi hna Thing Thlarau nih a ka peekmi asi ti na hmang sual maw? Jesuh a ra ti lai lo ti a zummi hna na si sual maw? Bible hna acheu pom, acheu pom lo hna na hmang sual maw? Profet ka si ti in lih le lih hna in bia na phuang sual maw? Khamhnaak a co dingmi Pathian fale dik nihcun Pathian kha lih chimter an hmang lo. Credit: Aung Myint Thang

Be the first to comment

Leave a Reply

Your email address will not be published.


*