I CHIM CIO HNA USIH, ABIAPI TAKTAK MI THEIH A HAU TAKTAK MI A SI

Na pawngkam ah kahdohnak a chuah tik ah zeitindah na thutdir lai! Na pawngkam ah ruah lo piin kahdohnak a chuah tik ah na bawk lai, siloah na khup nai bil lai i na kun lai. Na bawh buin pawngkam ah thil cang mi kahdohnak thawngpang tha tein na ngaih lai, na ngiat lai, emergency chuahnak umtuning tha tein na zoh lai.

Na pawngkam ah kahdohnak thawng bomb,meithal aw a dih tik ah a himnak hmunhma, kahdohnak thawngpang he ai hlatnak hmunhma ah na zam lai. Na hmai lei ah kahdohnak a um tiah na ruah ah cun cu ka hmun he ai hlatnak hmun ah tlikzam nai zuam lai.Kahdohnak ruang ah Mipi hna nih inn le lo chuah tak tik ah, ho hmanh nih nan i chungah thil man sung le tangka tantak ta lo in i ken dih ding a si lai. Lautuk in um lo in thilsining tha tein na ngaih hnu ah zam ding a si lai. Pawngkam um mi tlangtlatu hna aw-aan tha tein ngaih hnu ah tlik zam ding.Crd : Placement Affairs Thantlang Committe

5 US Wars Rarely Found in History Books - HISTORY

Tuni Thilcang:Thantlang kahdohnak an ngol rih lo, Van Bawi Thang nunnak a liam i hringtu anu telh in minung 3 hliamtuar. August 25, 3:40 PM hrawng in kahdohnak aa thok i atu 6:20 PM tiang an ngol rih lo, ngakchia kum 10 hrawng Van Bawi Thang a nunnak a liam i hringtu anu siseh, midang 2 zong an i hliam, tiah kan theih.

Ngakchiapa hi Pu Khai Za Lian fapa a si. Anu zong innchung a um bu ah an hliamh ve i mi dangdang zong hliamh mi an um. Atutiang ah SAC ralkap lei in siseh, CDF-Thantlang lei in siseh, aa hliam mi tibantuk cu kan thei lo nain SAC ralkap lei a thi mi an tam lai zumh a si,” tiah khuami pakhat nih The Hakha Times ah a chim.An i kahnak hi Sianginn Sang (Bangla le BEHS. No. 1 pawng) le Bethlehem Sang ah a si i atu ca kan tial (6:20PM) tiang hi bomb thawng siseh, meithal thawng siseh, a dai rih lo. Credit: The Hakha Times

Be the first to comment

Leave a Reply

Your email address will not be published.


*