HAKHA AH KAHDOHNAK A UM TIKAH RALRIN DING LE TUAH DING, THAWNGTHANHNAK

Hakha ah kahdohnak a um tik ralrin ding le zeidah tuah ding thawngthanh. IDPs Kong Thawngthanhnak Biapi. Mahle Khrihfabu cio ah tulio kan sining kong i HTPHIMC nih thawng i thanh ding timi lakin himnak lei tuanvo latu phu nih ahran an tuah chungmi cu a tanglei bantuk in kan hun langhter. 1. Hakha khua chungah kahnak a um ahcun aa naihbik himnak hmun le Biakinn ah i dor ding.

Pahnihnak. A si khawh ahcun mah inn cio ah him deuhnak hmun tawlrel ding, khor i cawh ding. Pathumnak. CCU le CCF cu i dornak hmun ah tawlrel ding. Palinak. Himnak Kong ah mahte in siseh, innpa chakthlang sang le veng in siseh, mah le Khrihfabu cio zongin siseh tawlrel cio ding le i bawmhchanh cio ding. Panganak. A si khawh chung khua chung i i kahnak a um lo nak ding caah kaphnih hriamtlai hna chawnhbiak ding.Mah hna hi a tlangpi in an si. Thawngpang thar rel khawh i zuam lengmang hna u si. Credit:Public Relation Team, HTPHIMC

Thawngpang dang: CDF le PDF fonh in ralhrang kawlralkap hriamnam ngan akaptu minung panga an kahthah hna.Tuzing September ni 12 ah Saw peng ah ralhrang kawlralkap le mipi vengtu an ikap. Hi i kahnak ah ralhrang kawlralkap lei in hriamnam ngan a kaptu minung panga an nunnak a liam pin ah minung pali hliam hma an tuar rih tiah an langhter.

Tuni i kahnak ah hin mipi vengtu ralkap hna cu CDF le Yaw, Saw PDF hna an i fonh i, an i kah hi asi. Hi konghe pehtlaiin Mindat CDF lei in ralbawi pakhat nih a chimmi cu ralhrang kawlralkap nih 60mm in voi 100 hrawng cun 40mm in voi 200 hrawng aa kan kah. Asinain kanmah lei cun hliam atuarmi le anunnak a liammi pakhat hmanh an um lo tiah a chim.

Saw peng a ummi ralhrang kawlralkap le CDF mindat, Kanpetlet PDF, Yaw PDF le Saw PDF fonh hna cu nifatin ti awk in an i kap lengmang, Ralhrang kawlralkap lei hna nih motor pakua in thaazaang an vun chap tthan hna caah kahdohnak hi a pehpeh in a chuak ko lai tiah theih asi. Tuni i kahnak ah mipi vengtu leiin a nunnak aliammi an um rih lo.

Be the first to comment

Leave a Reply

Your email address will not be published.


*