GOOD NEWS. RALHRANG BAWI PAKHAT TELH IN MINUNG 10 NAK TLAWMLO AN THI TTHAN

Thawngpang ttha ngai a si. Shan ram Nanhsan ah ralhrang kawlralkap le Southern Shan State Generations i kahdohnak ah ralhrang kawlralkap lei minung 10 nak tlawm lo an nunnak a liam. Ralhrang kawlralkap lei in a thimi chungah minung pakhat cu ralbawi Bogyi pakhat aa tel tiah an langhter chih. Hi konghe pehtlaiin thanhnak an tuah mi cu a tanglei bantuk in a si.

No photo description available.

A liamcia nizan August ni 15 ah khan ralhrang kawlralkap le Shouthern Shan State Generation hna cu Nanhsan khua ah kahdohnak a chuak. August ni 15 an i kahdohnak konglam cu tuni ah an vun langhter cang. Ralhrang kawlralkap lei in ralbawi Buci pakhat tel in minung 10 nak tlawmlo an nunnak a liam. Cun Southern Shan State Generations lei in minung pakhat hlaimhma fak lo a pu tiah an langhter chih.

No photo description available.

Salai Ceu Bik Thawng Cabia. Taliban tapung nih Afghan khualipi an erhkhumh; President Ghani a zam cang an ti (updated) Pu Zing Cung nih “Raldoh cu thinlung in doh asi” a timi kha hihi a si. Taliban tapung nih Afghan ram cu an chim(ting) dih ngawt cang i atu hi Kabul khualipi an luhhnawh cang vabu hlawm in hlawm an timh. An ram president cu a zam cang tiah news tamdeuh nih an tial (confirm ti awk si cang ko-edited). Pesident Biden nih naite July thla ahkhan “Afghan ralkap cu sing 3 an si i tha tein kan train hna i hriamtha kan pek hna.

Taliban cu 75,000 fai lawng an si” tiah a ti. Asinain a ruahning bantuk a rak si naisai lo. Tapung nih vangkau in an thlaak hna. Zeiruang bik ah hme tapung nakin a let thum renglo in ralkap thazang a ngei i US nih pekmi vanlawng le meithal thatha a nei komi cozahpi nih cutirumro cun an der hnga? A mak ko. A biapi bik cu thinlung a rak si tihi a lang. Afghan cozah ralkap tamdeuh cu hlawhfa (ကြေးစား) lungput an nei. Kan ram kilvengtu kan si timi lungput an nei lo.

US nih lahkhah pek ruangah kan tuan tiah an iruat. Cucaah eihmuarnak (corruption) zong khuaruahhar in ralkap chungah a karh i zohchia khin an um ti si. Cucaah tapung he tlawmpal an hun ikah men ah an lungdong i an zam, asiloah, an i-ap (surrender) colh. Taliban ralkap cu kan ram kan lak than hrimhrim lai’ timi hacangrialnak lungput an ngei (Cheukhat cu hramhram in fialchom le hmuhtheih duh zong cu an um ko lai).

CNF Chairman Pu Zing Cung nih Zeibantuk hriam tha hmanh hi thinlung thawnnak he hmanti lo ahcun an hnawl dih a timi kha Afghan ral dohnak le Vietnam raldohnak ah a fiang khun. Kawl rallokap hi sing 3 fai an um nain meithal tlai taktak ralkap hi 150,000 hrawng lawng an si tiah rallokap in a zammi nih an chim. Cucu tlangcung hriamtlai phu le PDF fonh zat hrawng fangfang a si ve ko tinak a si. Cucaah mitralchiat awk a um hrimhrim lo. Kan thinlung le kan lungrualnak kha biapi si ko. Kan tei hrimhrim lai. Credit: Salai Ceu Bik Thawng

Be the first to comment

Leave a Reply

Your email address will not be published.


*