FIANG NGAI IN A VUN LANGHTER KHAWH DIH, KAWLRALKAP HI AN RAK TLAWMTE KO

Taliban tapung nih Afghan khualipi an erhkhumh; President Ghani a zam cang an ti (updated) Pu Zing Cung nih “Raldoh cu thinlung in doh asi” a timi kha hihi a si. Taliban tapung nih Afghan ram cu an chim(ting) dih ngawt cang i atu hi Kabul khualipi an luhhnawh cang, vabu hlawm in hlawm an timh. An ram president cu a zam cang tiah news tamdeuh nih an tial (confirm ti awk si cang ko-edited).

Pesident Biden nih naite July thla ahkhan “Afghan ralkap cu sing 3 an si i tha tein kan train hna i hriamtha kan pek hna. Taliban cu 75,000 fai lawng an si” tiah a ti. Asinain a ruahning bantuk a rak si naisai lo. Tapung nih vangkau in an thlaak hna. Zeiruang bik ah hme tapung nakin a let thum renglo in ralkap thazang a ngei i US nih pekmi vanlawng le meithal thatha a nei komi cozahpi nih cutirumro cun an der hnga? A mak ko.

A biapi bik cu thinlung a rak si tihi a lang. Afghan cozah ralkap tamdeuh cu hlawhfa (ကြေးစား) lungput an nei. Kan ram kilvengtu kan si timi lungput an nei lo. US nih lahkhah pek ruangah kan tuan tiah an iruat. Cucaah eihmuarnak (corruption) zong khuaruahhar in ralkap chungah a karh i zohchia khin an um ti si. Cucaah tapung he tlawmpal an hun ikah men ah an lungdong i an zam, asiloah, an i-ap (surrender) colh.

Taliban ralkap cu kan ram kan lak than hrimhrim lai’ timi hacangrialnak lungput an ngei (Cheukhat cu hramhram in fialchom le hmuhtheih duh zong cu an um ko lai). CNF Chairman Pu Zing Cung nih Zeibantuk hriam tha hmanh hi thinlung thawnnak he hmanti lo ahcun an hnawl dih a timi kha Afghan ral dohnak le Vietnam raldohnak ah a fiang khun.

Kawl rallokap hi sing 3 fai an um nain meithal tlai taktak ralkap hi 150,000 hrawng lawng an si tiah rallokap in a zammi nih an chim. Cucu tlangcung hriamtlai phu le PDF fonh zat hrawng fangfang a si ve ko tinak a si. Cucaah mitralchiat awk a um hrimhrim lo. Kan thinlung le kan lungrualnak kha biapi si ko. Kan tei hrimhrim lai. Credit: Salai Ceu Bik Thawng

May be an image of 1 person, military uniform and text that says ""Raldoh cu cu Lungthin in Doh a si Zei bantuk hriam tha hmanh hi lungthin thawnnak he hmanți lo ahcun an hnol dih" PuZingCung Pu Zing CNF/Chairman"

Relchih Thawngpang dang :Falam Sipin nih covid vaccine aa chunmi lawng nih dawr nan on khawh tiah thanhnak an tuah. Falam khuachung dawr onnak konghe pehtlaiin Falam Sipin nih dawr ngeitu hna cu tuni August ni 16 thok cun zingka in chun suimilam 12 tiang dawr nan on khawh tiah thanhnak an tuah. Sihmanhsehlaw dawr a on tu ding hna cu covid vaccine aa chun cangmi lawng nih dawr nan on khawh tiah an langhter.

Covid vaccine i chunh cangnak caa piah khawh ding. Lumeh le ttaamh moihnak dawr tibantuk zong covid vaccine aa chun cangmi hna cu sipin zulhphung bangin dawr on khawh asi. Cun dawr on a duhmi le covid vaccine chunh a duhmi vialte hna nih tuni zingka suimilam pakua in Cheery Hall chungah si chunh khawh asi tiah theihternak an tuah chih.

Be the first to comment

Leave a Reply

Your email address will not be published.


*