COL. HRANG THIO CU PARALTTHA TIAH HODAH THEI? BY. SI BAWIMANG LIAN

Col. Hrang Thio cu paralttha tiah hodah thei? Laimi, cu hmanh ah Lai ai timi deuh. Zeidah hlawk? Karen nih an kan huat! Ok, Ka mitku nain tawite in ka van ttial lai. Tanbo hi Laiholh lawng a si lo, Japan nih tanbo an ti ve. Mah cu Salai Bawi Lian Mang (BLM) nih 2010 hrawng ah khan “CNA le Tanbo” timi cabia a rak ttial i ka philh kho lo, kan miphun kong ka ruah tik paoh ah ka char [quote] tawnmi a si.

Chin National Army (CNA) nih Tanbo tthate le tampi a neih a herh, a neih lawng ah ralkap nih bia a kan ruah duh lai, asiloah an kan upat lai ti lei in a rak ttial. Mah lio hrawng cu Chinland Club (CC) phaisa thawh an thawkka, hriamnam kong Dr. Bawi Uk Thang nih biatak tein a aupika a rak si ve. Cu tlawmpal ah CNA ralbawi le upa hna ramkip Laimi umnak ah an i chawk i hriamnam cawknak Crusade an tuah i CC pinah a dang tein an kholh. Ka palh lo cun 2012 a dih tiang hrawng a si. (Pu Thla Hei zarh khat ka rak zulh caah kai cinkenmi si.)

Salai BLM i CNA le Tanbo ti a rak ttial tikah hin ka uartuk ning cu CNA hi ralkap thazaang tthawng seh, hriamnam tampi nei hna sehlaw Myanmar ah ttihmi si ve hna seh ti tiang khi chunmang ka rak manh vemi a si. Amahbelte 2021 thawk i ralkap uknak an vun lak tikah CNA hriamnam an neih lo ning le 2010-2012 hrawng i meithal zun a zaza in cawknak rak kholhmi phaisa in an cawk loning a vun lang. (Taliban tibantuk phu dang pawl cu daihnak an tuah lio caan kha i hrimnak ah an hman an hmuitinh a fian tuk caah.)

Phaisa khawika ah an chiah timi nakin kei ka biahalnak cu CNF nih zei politik, zei dohthelnnak dah a tuah timi a rak sideuh. CNA hriamnam a tthat le an tthawn tuk caah U Aung Min hruaimi ralkap palai nih an rak chawnhbiak hna kha a si lo. Ralkap nih kum 25 leng an i tinhmi lam zulh khawh ding a si cang caah a rak si. A rak ttha sawk, remdaihnak le ramrian cabuai cung ah i ceihkhannak lam an rak zul.

Cu i a kan deuh ngaimi cu hriamtlai miphun hna nih NCA ah miphun ralkap kong an chim i CNF zong nih a chim ve, Chin miphun ralkap um a herh a ti nain Battalion pakhat hmanh a nei lo. Asiloah neih zong ai tim lo. CNA hrim tthawnter a rak i tim lo i hriamcawknak lam a rak on lo caah kan caw lo, an ti salam ko kha mu. 2021 kum chung hi tluk ramkip nih meithal cawkzuar an khap, an kham lio ah phaisa um ahcun kan cawk khawh colh la, an ti le tu ah mi tampi nih dollar millions in nan thawh cang. A ttha tuk.

Atu ah biatak tein ramkip Laimi nih phaisa nan thawh, hriamnam zalhnak caah, le a tthatuk, an i zalh ahcun Laimi hi kan tthawng ko lai. CDF hi a caan rauh ahcun a ralaimi Chin miphun ralkap Battalions chung ah an i tel kho lai, a taangmi. Cun phaisa a van tam, hriamnam le thilri a tlindeuh ahcun mi lung a tho lai, a nuamdeuh la, lung a la lai, ralkap thar tamdeuh an i chap te lai.

Cu tikah Battalions he hriamttha he cun zei cozah an kai hmanh ah Chin miphun ralkap Chinram ah a um khawh ning hmaihngal ngaiin kan langhter khawh lai. Cucu Chin miphun le Tanbo ttha i hunh si ko la. Tanbo theory cu Salai BLM nih a rak ttial. Kai cin dih lo, nain hriamnam ttha, tanbo ttha te a neimi cu sang khat le sang khat tlangval i vuak le i ngiar hmanh ah i ttih a si. Cucu mi va tuk le va huainak theng ah hman a si lem la lo.

A biapimi cu Nuclear asiloah Rocket kai hunh hi ka tawng hlah tiah North Korea ai hrocer bantuk, Iran nih Nuclear neih ai zuam bantuk kha a si ko. Israel nih nucleae 100 reng lo a neih tiah an ttih bantuk cu a si ko. USA a tanbo an ttih bantuk kha a si ko. Cucaah tulio kan tonmi ram buainak ahhin Laimi nih kan tanbo ttha tein kan i saih, remte in a tlaihnak kan i ziak tik, kan kut nih a rihzan tha tein a theih tik, a hmangtu zong a thazang tthat tak tik,

A hman tikah khawika ka khen ahdah cutin cun a um lai ti fiang tein a theih hmasa hnu, cu lak i a biapi bikmi cu zeiruang asilaoh zei ca ahdah ka tanbo hi ka hman lai ti fiang tein a theih i tinhmi a neih tikah hman hi a biapimi a si. Ral asiloah sang dang maw phu dang nih van terh paoh le tthihpheih paoh ah hman ding a si lo, bantuk in hawikom le innpa asiloah ule nih forh paoh ah hman ding zong a si lo. A hmangtu cung ah ttuanvo a um.

Laimi hi mi ralttha cu kan si. Sa hrang phunphun kan thah. Ramvaih kan thiam. Titsar timi kan nei. Miphun dang he tuak cun kan lungthiang. Cucu a tthatukmi a si ko. Caan sin belte zeipaoh ai thleng. Titsar kan neihnak hi kan miphun ah sideuh seh, kan ram caah sideuh seh. Miphun dang ca nakin kan miphun duhnak (Interests) hi a biapibik. Col. Hrang Thio cu Kawlram sianginn i tamaing cauk ah um lo tluk a si, Chin ram chung hmanh ah Laideuh nih kan theih. Innsein ral teitu Col. Hrang Thio cu Laimi a si.

A hruaimi Battalion (Laimi) nih Yangon a rak chanh. Kawl cozah nih zei ngai an caah an tuahmi a um lo. A hnu ah Laimi cu Kawl kut tang peng ah kan um. Cu bantuk cun tulio kan ram kong zong ah Independent kan khel ttung lo ahcun Kawl hlei in zeihmanh kan tuah a herh lo, anmah nak tthawng le mi tam zong kan si lo. A zia le a zawn, a caan le tikcu zoh ding a si. Politics in kan hruai khawh hna ahcun a ttha sawk, nain thazaang le nunnak in cun a phu loh! We can not afford to lose the blood of our people for this.

Cucaah kan tanbo cu sai rih ko usih. Kan thazaang cu funtom in tlunter dih ko usih. I hrim u sih. Ralkap tei tiang lawng ruah hi lungran, sopawt zeihuaha lo ruahnak a si. Kum 30 CNA/F nih an rak i zuam, miphun dang nih an i zuam ciomi kum khat hnih ah chunmang manh cu mino mino mino tiah upa nih hmunhma an kan pek duh tawn lomi hi an mawh loh! Mangttha ning. Remhmi (Hrang Thio, Con Bik/ Thai Con maw mah hi ka cawhmeh hna zantlai cang le, nain a biapi cu Chinmi nih tuahsernak le kan comi kha a si ko). Credit: Salai Si Bawi Mang Lian.

Be the first to comment

Leave a Reply

Your email address will not be published.


*