A TTHA KHOTUK, SHARE TUAH CIO HNA USIH, KAN HMUNHMA AH I KAHNAK A CHUAH TIKAH

Kan hmunhma ah kahdohnak a can tikah mipi hna nih a hlankan inn timhtuah herhmi. Rawhralnak/harsatnak (Disaster) timi cu minung ruangah a cang mi, le kamkhat le kamkhat kar i entainak ruangah a chuak tawnmi a si. Cu caah mipi hna nih a hlankan in timhtuah le theiherhmi theih hi a biapi ngaimi asi. Ahlankan in timmtuah ding le theih herhmi a tanglei ah kan van langhter.

Khua chuahtak a herh cang tikah, ei le din dingah a tlawmbik zarh hnih ca in i timhtuah ding. Poipang (emergency) sii-ai hna, tithah le datsa, zangder deuh hna hngakchia, tar, naupawi liomi, pumtlamtling lo, hna caah a herhmi sii-ai timhtuah piak ding. Internet line a piat tikah, phone line a ngahnak hmun um mi hna nih, SMS hmang in thawngthanh khawh i zuam ding.

Khua kan chuah tak tikah, innchungkhar khat siko nain pikpak in tlik zam cio si sual ah cun a hlan kan in tonnak hmunhma i chimh cia ding. Kan chungkhar kan mipi himnak caah kanmah pumpak cio tuanvo kan ngei. Kan himnak caah mipi hna le tuanvo ngeitu hna i bawm in hmainawr ti zuam hna usih! Credit: Placement Affairs Committee Thantlang

Hakha CDF nih Thantlang le Hakha kar ah SAC hriamtlai phu an kah hna -  Daily Hot News

Thawngpang dang: Chinram Mindat ah ralhrang kawlralkap hna nih biatak tein an mah chung lila a zaami minung pahra leng an kawl cang hna. Inn kip an luh hnawh hna i check hlatnak zong an tuah hna. Mindat ah a ummi ralhrang kawlralkap minung pahra renglo hna cu an uniform le an hriamnam he a liamcia ni 26 August ah khan ralkap rian chuahtaak in an zaam hna tiah an langhter.

Ralkap in a zammi minung pahra renglo hna cu a tuhi biatak tein ralhrang kawlralkap hna nih Mindat khuachung siseh khuate kip ah an kawl cang hna. Khuachung ah mincazin an check hna. Cun khuami hna cu chungkhar minung zeizat dah nan si. Cozah rian a ttuanmi nan um maw tibantuk tiangin ralhrang kawlralkap hna nih an hal hna.

Khuami hna cu ralhrang kawlralkap hna nih mizeihmanh khual nan tlunter hna lai lo tiah theihternak an tuah rih hna. Atu bantuk in ralhrang kawlralkap hna nih khuapi he khuate he inn kip ti awk in check hlatnak an tuah ruangah khuami hna cu thinphang in an um tiah khuami pakhat nih a chim. Tutan ah azammi ralkap pawl hi tutiang rih ahcun CDF sin zongah an i fonh timi theih asi rih lo. Cun khoika dah an um timi zong theih an si rih lo tiah Mindat mipi uktu nih a chim.

Be the first to comment

Leave a Reply

Your email address will not be published.


*