A THIMI AN TAM RUANGAH KALAYMYO AH THLAAN MAN AN KAITER

Kalaymyo Christian Thlaanmual a man an kaiter. Hi konghe pehtlaiin Pu San Thawm Thang nih a chimmi cu Tulio Kalaymyo ah covid zawtnak faktuk a chuah ruangah Kalaymyo Christian thlanmual i, Thlaan a tuahtu hna cu harsatnak an tong. Cu an ton mi konghe pehtlaiin Thlaanmual OB lei nih zohfelnak an tuah hnu ah thlaanman cu thonghra kaiter a si.

June ni 25 thok in Kalaymyo Christian Thlaanmual cu thlaan pakhat ah tingkhat le thonghra a si cang. Ahlan ah thlaan man hi tingkhat a rak si. Asinain a tu ahcun thlaan pakhat ah tingkhat le thonghra a si cang tiah a cunglei upa nih mipi theih dingin a chim. Hi konghe pehtlaiin thawngpang fiangtein theih a duhmi hna nih keimah sin ah chim le hal khawh asi tiah a peh.

Annual khuakhan lairelnak siloin thanhnak kan vun mi hi kan zapi caah a tthabik lai tiah kan ruahmi a si i, mipi lei zong nih kan theithiam hraam uh tiah zaangfah kan nawl hna. Pehtlaihnak tuah a duh mi hna nih phone 09400475999, Pu San Thawm Thang, Treasurrer, Kalaymyo Khristian thlaanmual committee.

MyanmarKalaymyo- 1MH_3245 | Kalaymyo, Myanmar view from the … | Flickr

Thawngpang dang: Ralhrang thawngpe tu le ralhrang hna sin ah thawngpang kip a phuangtu USDP chungtel cu kah a si. Mandalay ah USDP party member pakhat meithal in kah a tong. Mandalay Chan Mya Thar Si sang ah a um mi ralkap lei thawng petu U Kyaw Kyaw Min kum 50 cu tuni June thla ni 25 zinglei ah meithal kah a tong I a nunnak caah thinphang asi tiah pawngkam mi hna nih an chim.

Tuzing ah meithal thawng kan theih I leng kan chuah kan zoh ah cun a rak tlu ko. Inn hmai a phiah lio ah an kah tiah kan theih. Voi 6 an kah i a tawk, a ke le a keng ah voi 3 ah an khen. A mah hi mi chiahru ngai asi. Kan sang ah a ho he hmanh a rem loh. Kan sang zong hi mei in kan khangh la a ti mi minung asi tiah a inn pawng si mi nu nih BBC ah a chim.

Tlawmpal a rauh ah ralkap minung 80 hrawng an phan I pawngkam vialte an check dih. Kum 20 hrawng asi mi mino pa nan hmu maw tiin inn khat luh chuak in an kan hal hnu lawng ah a kap tu hi mino asi ti kan theih tiah pawng kam um mi nih an chim. U Kyaw Kyaw Min cu USDP party member asi tiah theih asi nain party lei in thawng thanh nak an tuah rih lo tiah theih asi.

Be the first to comment

Leave a Reply

Your email address will not be published.


*