Yee Peng Palik Sakhan Cu Ye Bilu Hriamtlai Phu Nih An Kah Hna I, Ralkap 3 An Thi

Mon ramkulh, Yee peng palik sakhan cu Ye Bilu(ရေးဘီလူး) hriamtlai phu nih nihin July 28 ah kan kahdoh hna i cu kahdohnak ah cun palik 3 an thi, tiah Ye Bilu hriamtlai phu in ṭuanvo ngeitu pakhat nih a chim.

Yee palik sakhan kah an ton hi July, 28 chunhnu suimilam 3:30 hrawng ah a si i, palik 3 an thi. Khuachung um mizapi hna cu umkal ah i ralring cio ding in Yee Bilu(ရေးဘီလူး) in ṭuanvo ngeitu nih thawngthanhnak a tuah.

Thawngdang – Indaw Peng Nuamhnak Daer KTV Pakhat Ah SAC Ralkap 2 KIA le PDF Nih An Tlaih Hna!: Sagaing ramṭhen Indaw(အင်းတော်) peng, nuamhnak dawr KTV pakhat ah SAC ralkap 2 cu KIA le PDF phufonh nih an kah hna hnu ah, an tlaih hna, tiah Indaw Revolution nih an thanh. Nizaan July 27, zaanlei ah Indaw (အင်းတော်) peng Mawlu(မော်လူး) le Naba(နဘား) kar ah ummi KTV dawr ah ding-ei in, mizapi phaisa a chuttu ṭaṭ-mah 88 kuttang um, battalion 416 in ralkap Chain Aye le Turah Aung cu KIA, PDF nih an umnak hmun ah luhhnawh in an kah hna, tiah theih a si.

Meithal kuan hliamhnak in Turah Aung cu a thi i, Chain Aye cu a nun buin tlaih a si, tiah an langhter. Watlet Peng Kahdohnak Ah SAC Ralkap 8 An Thi!: Sagaing ramṭhen watlet khuapi pawng Seinhkine(စဥ့်ကိုင်) khua ah SAC ralkap le tualchung PDF hna cu July 27 chun ahkhan Sml 1 tluk ah an i kap i, SAC ralkap lei nih RPG lung 2 in phungki sianginn cu an kah caah phungki pa hliam a tuar. PDF nih an va chanh khawh ko nain a hliamhma a fah deuh caah a nunnak liam ṭhan, tiah Tawgyi Muaipuai phu(တောကြီမြွေပွေး) in tuanvo ngeitu pakhat nih a chim. Crd; The Chin Post

Be the first to comment

Leave a Reply

Your email address will not be published.


*