UPDATE: RALHRANG KHUA KHANGH NAK KONG THAWNGPANG FIANG

Update:Kinma khua mei a kangh nak ah tar minung 4 a kangh chih hna.Magway region ah a um mi Kinma khua mei a kanghnak ah kum khua upa cang mi tar minung 4 cu mei nih a kangh chih hna caah an nunnak a liam tiah tantak mi innchungkhar hna chimnak in theih asi. Mei nih a kangh mi hna cu kum 70 leng a si mi ka pi le ka pu U Mya Maung le Daw Kyi Meing cun Daw Sein Kyi le a dang patar pakhat hna an si tiah khuami mino pakhat nih Mizzima sin ah a chim.

A thimi an 4 ning tein a damlo mi an si i tho kho loin ih nak ah caan a hmang mi an si. June thla ni 15 chun hnu ah Kinma khua ah cycle 8 in palik pawl cu civil thuam i hruk in khua chungah an ra, cun Kinma khua kalnak lei lam zong in ralkap mawtaw 3 an rak lut ti thawng theih in khuami hna cu a him deuhnak ramtang ah an tli dih hna I a kal kho lomi tar pawl tu cu inn chung ah tantak an si.

Khua leng ah khuami PDF lei le ralkap lei an I kah hnu ah ralkap lei nih khua nichuah lei inn in thok in mei an khangh tiah khuami hna nih an chim. June thla ni 16 zinglei ah cun inn 300 a um mi Kinma khua ah cun inn 12 te lawng mei kang lo in a tang I a dang inn vialte cu an kang cikcek dih tiah thawng zamh nak nih an langhter.

May be an image of outdoors and text that says "SHOT ON REDMI 10x AI QUAD CAMERA"

Thawngpang dang:Salai Lian Luai kongah fiangtein an vun langhter. India ram thawngzamhnak pakhat a simi PTI News Agency nih Salai Lian Luai konghe pehtlaiin an langhter. Tuan deuh an rak langhter ko cang nain atu an langhtermi hi a tlam atling bik ko rua tiah kan ruah caah kan vun langhter tthan. Chin State Chief Minister asimi Salai Lian Luai cu nizan ah khan Mizoram Champhai ah ralzam in arak lut tiah theih a si.

CM Salai Lian Luai cu zapi nih kan theihcio bangin kum 2016 in Chin State Chief Minister rian a ttuanmi a si. Ralhrang kawlralkap hna nih hramhram in nawlngeihnak an lak lio ah Salai Lian Luai cu inn ah lengchuak kho loin an erh. Asinain tuan deuh rak thlah an si hna. Thawngthanhnak an tuah bantuk in Salai Lian Luai cu ralzam dirhmun in Mizoram khuapi chang a simi Champhai ah ralzam dirhmun a rak phan tiah an langhter.

Hi konghe pehtlaiin ralhrang nih nawlngeihnak an lak hnu ah Mizoram ah a rak zaam mi hi minung 9247 an si hna. Atu ah hin Salai Lian Luai le MP attuanmi hna minung 23 hna cu mizoram ah an zaam cang hna. Tutan ah Chinram hruaitu Mizoram ah a zaam mi hna hi NLD chungtel deuh an si hna. Hi chungah Chin Affairs Minister caah thimmi hna zong an i tel tiah an langhter.

Hi konghe pehtlaiin thiamthiam in Mizoram Home Department official hna nih an chim ning ahcun hruaitu lutlai minung 24 hna cu thatein zohkhanhnak an pek hna tiah an langhter. Ralzam dang hna cu pengkip ah hibantukin an um cang hna tiah theih a si. Aizawl districk ah hin minung 1633 an um i, Lawngtlai ah minung 1297 an um. Cun Siaha ah minung 633 an um i, Hnahthial ah minung 478 an um.

Cun Lunglei ah minung 167 an um i, Serchhip ah minung 143 an um. Saitual ah minung 112 an um mi Kolasip ah minung 36 an um. Khawzawl ah minung 28 an um. June ni 14 ah Farkawn khua ah ralzam a rak lutmi thar mi hna hi an langhter hna lo. Mizoram ah a rak lutmi Chin ralzam hna cu thatein zohkhanh an si hna i, an harhmi buaipi an si tiah an langhter. Hi konghe pehtlaiin Pu Zoramthang nih zong nih nizan ah ralzaam hna cu bawmhchanhnak tuah colh an si lai tiah thanhnak a tuah. Credit: TOI & NTDV

Be the first to comment

Leave a Reply

Your email address will not be published.


*