UPAT NAK PE CIO USIH, PASALTTHA RUAK AN VUI RUANGMANG CANG

Tamu khua luhnak meng 4 gate pawngah SAC ralkap le PDF karah September 19 ah kahdohnak a chuak i, PDF ralkap 2 an nunnak a liam, tiah theih a si.PDF ralkap a nunnak a liammi hna cu BSO (Burmese Student Organization) in ralkap Ar Kar Htet(18) le Pah Kah Phah in Lin Yung(40) hna an si.

Ralkap Lin Yung ruak cu an la kho rih lo. Ar Kar Htet ruak tu cu Tamu khua mi bawmchantu phu nih an vui cang, tiah theih a si.PDF ralkap pakhat nih, “September 19 ah kahdohnak a chuak i, mui tiang ah ralkap Lin Yung cu a ṭin ti lo. A thaizing zingka lawngah a thi, tiah thawng kan theih.

Namuntar(နမွန်းတား) khua pawng ah SAC ralkap motor cu bomb lung 4 kan puahhnawh caah a thimi le aa hliammi an um,” tiah a chim. SAC nih nawlngeihnak an lak hnu in SAC ralkap le PDF Tamu kahdohnak ah atu tiang PDF Tamu ralkap 11 an nunnak a liam cang, tiah theih a si.Credit: The Chin Post.

Thawngpang dang. Kahdohnak um lo piin Mindat ah SAC nih vanlawng in bom a thlak. Chin ramkulh, Mindat peng September 20 zaanlei ah kahdohnak um lo piin SAC ralkap nih vanlawng in bom a thlak tiah theih a si.SAC ralkap nih vanlawng in bom a rak thlaknak hmunhma hi Mindat-Matupi lam mengtung 16 pawngkam hrawng ah a ummi khuate lei ah a si tiah theih a si.September 20 zaanlei sml 4 hrawng ah Mindat peng, khuate pakhat cu SAC vanlawng nih bom a rak thlak. A rawkmi a um le um lo cu kan hlathlai lio a si tiah Mindat mipi uknak phu nih an langhter.

A luancia July 2 zong ah Mindat peng ah a ummi Chet khua ah SAC nih vanlawng 2 in bom a rak thlak caah mipi inn, biaknak le sianginn hna a rak rawk. Cun cu kahdohnak ruangah CDF hriamtlai 3 an nunnak a rak liam i hngakchia le upa pum tlamtling lo zong an rak i hliam. Credit: The Chinland Post.

Be the first to comment

Leave a Reply

Your email address will not be published.


*