TUNI KIA CAWLCANGH CU LUNG A HMUI TAKTAK, UAR AN UM KO

KIA cawlcangh cu lung a hmui ko. Ralhrang kawlralkap he aa phomh mi PDF Katha cu an bawmh hna. Ralhrang kawlralkap le Mipi rungveng kilvengtu People Defense Force Katha cu tuni ah fak ngaiin an i kap. An i kahnak ah KIA nih PDF an bawmh hna. Sagain ramtthen, Katha peng, Shwephyithi le Hena khua karlak ah ralhrang kawlralkap le PDF-Katha hna cu tuni ah an i kap tiah theih asi.

Katha People Defense Force le ralhrang kawlralkap hna cu an hriamnam aa thlautuk caah KIA hriamtlai nih an bawmh hna tiah an langhter. Tuni i kahnak ah ralhrang kawlralkap lei in minung pali an nunnak aliam pin ah minung pali hliamhma an tuar tiah theih asi. PDF lei in minung panga hliam hma an tuar ve tiah an langhter.

Video): KIA le Kawl ralkap an i kah lio Video, HD/fiang tak tak in a zoh  duhmi caah -

Saya Sang Hre: KNU 5th Brigade Lutlai Pado Mahn Mahn he biaruahnak kan ngei mi chung in a biachim mi cheukhat nih khua a ka ruah ter ngai mi: Pakhatnak. Tlangcung hriamtlai phu cheukhat pawl khi ralkap uknak hi a hram in bongh in tuk hi an rak i tim hrim lo. Pahnihna. Tulio Gen-Z bantuk in ralkap uknak a hram in bongh i doh a duh mi phu paoh he cun rian kan tuan tti kho ko.

Pathumnak. Ni hin dirhmun tiang hmanh ah NCA ning in kal ti ding in bia a chim rih mi hriamtlai phu cheukhat lutlai hna hi cu revolution zong a tuak tan ti lem lo mi – mah pumpak miaknak le hnangamnak deuh lawng a tuah mi an si ko. Palinak. CRPH le NUG zong hi NLD thladem tang le NLD rim le hang keng in an kal peng ahcun a fawi hrim hrim lai lo.

Panganak. KNU an lutlai pa (lukong pa) ca chuah mi kha KNU a tam uh nih cun kan i hrawm lo. MAH nih a zal ah a rak senh chih mi si dawh ngai a si a ti huar. Paruknak. September le November thla cun ram pumpi mei elh dawh a si ko ruah hi. Pasarihnak. Kan tei hrim hna lai. A rauh ti lai loh ti hi voi hnih bak a nawlh. Credit: Sanghre

Be the first to comment

Leave a Reply

Your email address will not be published.


*