TUNI AH RALHRANG MOTOR BOMB IN AN TTHUAT HOI TAMTUK AN THI

Thawngpang tha taktak a si ko. Ralhrang kawlralkap minung 15 hrawng an nunnak a liam lai tiah an langhter. Nihin chun ah Kalay le Gangaw karlak ah kal mi Ralkap motor cu PDF nih Bomb an puah hnawh tthan i a tlawmbik ah Ralkap (15) cu an thi lai tiah Gangaw Youth Voice nih a tarlangh. Nihin August 24, 2021 chun ah khan Ralkap motor pahnih cu Kalay in Gangaw lei ah an rak ra.

Lam pi an kal lio ah PDF pawl nih bomb an puah hnawh hna hi a si. Ralkap motor pakhat cu a rawk dih cikcek, cun ralkap a thi mi hi a tlawmbik ah minung 15 cu an si lai tiah an langhter hi asi. Ralkap a thi mi hi 15 tal cu an si hrim tiah zumh a si. Cun hliamtuar zong an tam ngaingai. Athi mi le hliamtuar mi pawl motor chung khin tthan le timhtuahnak ah suimilam pakhat hrawng cu an rau.

Ralkap pawl cu an sungh ruang ah ti awk thei loin an um i, an pawng ah a um mi, Thlam (5) mei in an khangh” tiah an langhter. Atu hi Gangaw le Kalay karlak cu ralkap thazaang tampi nih an congh i khual tlawng caah a him lo tiah Gangaw youth nih cun an langhter hi asi. Cucaah chungkhat neihniam a ummi vialte sin ah thawngthanhnak tuah cio hna usih. Aruang cu a cunglei langhter bangin a him lo caah a si.

Chhattisgarh Armed Force jawan on election duty in Jharkhand, kills self  after shooting company commander

Cabidang Relchih Aduhmi caah. Rakhine miphun cungah AA nawlngeihnak, cawlcanghnak a hun ngan ngaingai cang mi, hrawh than dingin Ralkap lei nih timhtuahnak an ngei cang. Cu caah Rakine ramkulh, Kyaukphyu Township chung ah a um mi Khuabawi dihlak hna cu Kawl ralkap nih an auh hna i AA cawlcanghnak tha tein ngiat ding le report pek ding in order an chuah hnawh hna pin ah ralrin an pek hna tiah Myanmar Now nih a tarlangh.

A luancia July thla ah khan, Rakhine ramkulh chung pulrai zawtnak control khawhnak ding ah tiah AA hriamtlai nih Stay at Home an thah, cun buainak tete tawlrel khawhnak ding ah tiah Rakhine ramkulh Biaceihnak Department zong hun nak an tuah hnu ah Kawl ralkap lei nih tu bantuk in ralrin peknak an tuah hi a si tiah Kyaukphyu khuapi khuabawi pa nih a chim.

ULA/AA nih Rakhine hmumram chung ah an mah tein Biaceihnak le Buainak tawlrelnak an tuah maw timi pawl an kan hal, cun AA nih Rakhine ram kong ah an mah tein biaceihnak, biachahnak le khuakhan nak an ngeih sual citcet ahcun a rannak in report rak tuah uh tiah ralrin nak zong an kan pek” tiah khuabawi pakhat nih Myanamr Now sin ah a chim hi asi.

Hi kong he pehtlai in Kyaukphyu pengkulh chung Khuabawi dangdang zong pehtlaihnak kan tuah hna, a si nain hi thil kong hi cu a thlithup deuh, nunnak himnak caah tihnung a si caah hal len rih duh hna hlah uh tiah Kyaukphyu khuabawi nih Myanmar Now cu ruahnak an kan pek ti asi. ULA/AA nih Rakhine ramkulh cu an mah nawlngeihnak in biatak tein kal pi hram an thok.

Rakhine ramkulh le mipi cung ah ULA le AA nawlngeihnak in thil a kal cang bantuk a hun si tikah, Ralkap lei in lak tthannak ding lam an kawl cang, AA cawlcangh biatak tein dothlat le ngiat ding in an i tim i, khuabawi vialte zong ralrin peknak, order ti bantuk an pek cang hna tiah Myanmar Now nih cun a tarlangh. Note: Myanmar Now nih Kawlca in a tial mi asi. Myanmar Now cu Kawl media lakah zumtlak, mi raltha tiah timi le minthatnak zong a co cang tu asi.

Be the first to comment

Leave a Reply

Your email address will not be published.


*