TTIHNUNG IN RALHRANG NIH KHUAMI AN HNGAWNG AN TAN HNA

Ralhrang kawlralkap nih ttihnung taktak in khuami hna cu an hngawng an tan hna. An ruak in an hmuh hna. Demoso ah ralhrang kawlralkap hna nih umhmun an khuarnak ah pawng ah a thicia mi ruak an hmuh. Cu a thimi ruak hna cu an hngawng aa tan dih tiah an chim. Hi thil a cannak hmun cu Demoso peng Sanpiah 6 khua ah a si tiah an langhter.

Ralhrang kawlralkap hna umhmun an khuarnak inn hi No 3/27 le a pawngkam pakhat ah a si. Hi hmun le hma hna cu Kazaw remdaihnak phu le Kayianphy party phu hna nih an kal hnawh i, thatein zohfelnak an va tuah. Cu ahcun inn hnu le a thicang mi ruak hna cu an hmuh hna. Athimi ruak hna cu an hngawng aa tan tiah an chim.

Hi konghe pehtlaiin an langhtermi cu a thimi ruak ralhrang kawlralkap hna nih an hngawng an tanmi hna hi a hodah a si timi an thei kho hna lo. Chungkhar ralhrang hna umhmun an khuarnak inn ngeitu hna zong an si kho tiah an chim. Mithi ruak hna cu mipi runvengtu ralkap hna nih an khangh tiah thanhnak an tuah.

May be an image of fire, outdoors and text

Thawngpang dang: Lungrawk taktak si ko cang, Kawlralkap ralhrang pawl ziaza cu aipuang taktak a si.Mipi pei thah dih aa kan timh ko hi.. Yangon Oxygen sehzung pawl hna cu ralhrang kawlralkap hna nih mipi sin ah oxygen nan pe hna lai lo tiah thanhnak an tuah hna. Oxygen cu anmah ralhrang kawlralkap dirhmi covid center lawngah nan kuat hmasa lai tiah ralhrang kawlralkap hna nih an ti hna.

Hi konghe pehtlaiin Shwe Pita Oxygen sehzung nih mipi sin ah oxygen kan pe kho tilo, ralhrang kawlralkap dirpimi Phawngkyi le Inya covid center ah pek hmasa a hau tiah mipi sinah theihternak an tuah hna i, an zung hmai ah ca an taar. Hi bantukin kan tuahnak hi kanmah duhnak siloin ralhrang kawlralkap lei nih nawl an chuahmi asi tiah an langhter.

Hi kongah Dagon Myothit i, Oxygen sehzung ah rian a ttuanmi pakhat nih a chimmi cu kan sehzung ah sang khuabawi le ralhrang kawlralkap pawl an rak ra i, Oxygen cu mipi sawhsawh sin ah nan pe ti hna lai lo. Ralkap dirpi mi covid center ah nan pek hmasa lai tiah an rak chim, Alenglei mipi hna cu oxygen pe hna hlah uh, center ah oxygen a harhmi an tamtuk tiah an ti tiah a chim.

Zawtnak tlangrai nih Yangon zong biatak tein atlunh cuahmah hna, sizung le sibawi an um lo ruangah mah le inn ah i zohkhanhmi an tam hna. Cubantuk pawl nih oxygen hi an herh ngaingai hna. Asinain a tu ahcun oxygen sehzung tthenkhat hna cu ralhrang kawlralkap nih an kham hna i, anmah dirpi mi covid center lawngah pek ding an ti hna.

Be the first to comment

Leave a Reply

Your email address will not be published.


*