THLAKHAT CHUNGAH KAHDOHNAK 510 ACHUAK RALHRANG ATHI MI ANTAM BAK

Kawtulay hmunhma ah rilonh in a lutmi SAC ralkap le an kuttang BGF le KNLA, KNDO phufonh kar 2022 March thla thlakhat chungah kahdohnak voi 510 a chuak i SAC ralkap le BGF phufonh lei in 429 an thi i minung 260 hliamhma an tuar tiah KNU nih cathanh anchuah.Kahdohnak ah cun SAC ralkap motor 35 cu kan hrawhkhawh tiah an langhter. KNLA,KNDO lei in minung 22 an nunnak a liam i minung 35 nih hliamhma an atuar tiah theih a si.SAC ralkap le BGF hna nih mipi umnak khuachung ah hriamngan le hriamhme hmang in an duhnak hmunpoh an kah hna caah sualnak ngeilo khuami minung 25 an nunnak a liam i minung 31 nih hliamhma an tuar.

Relchih.Myanmar ram pumpi in dohthlennak tuah hnu April 4, 2022 nikhat chung kahdohnak ah SAC ralkap 33 an thi i, PDF 3 an nunnak a liam, tiah Yangon Khit Thit nih a thanh. Cazin ning ah ralkap a thi mi hi Chin ramkulh Paletwa ah 6, KNU bridage 5 ah 7, Magway ramthen Yesgyo ah 4, Shan ramkulh Pindaya ah 5, Sagaing ramthen Inndaw ah 4, Yangon ramthen Mayankung ah 2, Karen ramkulh Demosu ah 3, an dih lak 33 an si. PDF lei in Pindaya ah 2, Demosu ah 1, an dih lak 3 an nunnak liam.

SAC ralkap nih KNU battalion 3 Ngawnglaypin(ညောင်လေးပင်) pengkomh, battalion 5 Phapun pengkomh, battalion 6 Doepalaya pengkomh chungah vanlawng hmang in voi 8 tiang bomb an thlakhnawh hna caah mipi umnak inn tampi a rawk i, mipi 100,000 leng nih an umnak hmun cu an zaamtak tiah an cathanh ah cun an langhter.Crd; The chin post

Be the first to comment

Leave a Reply

Your email address will not be published.


*