THAWNGTTHA TAKTAK TUCHUN AH A CHUAK, LAWMH A UM TUK

Thawngpang ttha taktak si ko, Uar an umtuk hringhran. Chinram Kanpetlet ah ralhrang palek rian a ttuanmi minung hleihnih hna cu ramchung buainak ruangah tuchun thok in CDM ah an lut tiah Chinland Defense Force nih thanhnak atuah. Culawng siloin CDM alutmi palek minung hlei hnih hna cu kan kilven hna lai tiah thanhnak an tuah.

May be an image of 1 personMay be an image of 1 person

Hi konghe pehtlaiin Chinland Defense Force nih thanhnak atuah rih mi cu tulio dirhmun ah ralhrang kawlralkap le CDF kahdohnak fakpi in a chuak. Cucaah ralhrang kawlralkap siseh palek hna siseh CDM tuah in lutcio uh tiah ralrinnak an tuah chih. CDM ah a lutmi palek minung hleihnih chungah hin bo thum le bo hnih, bo khat zong an i tel ti asi.

May be an image of 1 person May be an image of 1 person

A lutmi pawl an himnak dingah kan kilven hna lai tiah Chinland Defense Force nih alanghter. Tutan ah a lutmi palek minung hleihnih hna cu Chinland Defense Force ah an um cang lai tiah ruah a si. Hi konghe pehtlaiin Chinland Defense Force hna nih an hmanthlak siseh an min tiangin an langhter. An dih lak in Kanpetlet ah rian attuanmi an si tiah theih a si.

May be an image of 1 person May be an image of 1 person

Relchih: Mindat Kahdohnak ah a Thimi SAC Ralhrang pawl Ruak Lamkam ah an Phum Hna.May 21 ah a cangmi Mindat peng, Bukun khua kahdohnak ah SAC ralhrang lei in a thimi ruak pawl cu anmah ralhrang hawile nih lamkam ah an phum hna, tiah Mindat mipi uknak bu nih nihin zaanlei ah thawngpang an chuah. Nizaan kahdohnak ah CDF-Mindat lei in Salai Thang Naing nih a nunnak a pek i, ralhrang lei in a tlawm bik minung 5 an thi.

Mindat mipi uknak bu nih, “Nizaan kahdohnak ah SAC ralhrang lei in a tlawm bik minung 4 an thi. An ruak pawl cu lamkam ah an phum hna. A hmutu an um,” tiah a langhter. Cu lawng si loin, nizaan kahdohnak ah SAC ralhrang pawl hi ritsi an hmang in misawhsawh thilpuan i hruak in CDF-Mindat pawl a rak kan kah. Ritsi an i chunhnak syringe (siichunhnak/ဆေးထိုးအပ်) le mortar bomb hawng pawl zong kan hmuh hna, tiah an langhter chap. Bukun khua i May 21 kahdohnak ruang ah ramlak ah nulepa nih an zaampi vemi ni 6 bawhte zong nihin chun ah a nunnak a liam. Credit: The Chin Journal

Be the first to comment

Leave a Reply

Your email address will not be published.


*