THAWNGTTHA. RALKAP SIBAWI RALBAWI MIN MAUNG MAUNG ARIAN ACHUAK

Good News: Ralkap siibawi Bogyi Min Maung Maung cu a rian chuahtak in mipi lei ah a dir cang. Atu cu ramri a himnak hmun ah a phan cang. Ralhrang nih mipi cungah an tuahmi thatlonak vialte siseh, an tlaihmi hna mah saram bantukin an hrem hnanak vialte a hmuh tikah dinnak a tanhmi mipi lei ah dir lo awk a tha lo tiah aa fiang.

May be an image of 4 people, people standing and text

Siibawi (Surgical Specialist) Bogyi Min Maung Maung nih cun ralhrang ahhin phu 3 in an um. Phu khat cu MAH lei ah lungthin dihlak in a tangmi an si. Phu khat ve cu ralhrang uknak duh loin mipi lei ah tan/dir a duhmi an si. Phu khat cu teinak a hmumi lei poah dir aa timmi an si tiah a chim.Ral hmun ahhin meithal kah thiam lawng a za lo, engineer le sii lei a thiammi zong an biapi tuk. Cucaah atu bantukin ral hmun i siibawi a simi Bogyi Min Maung Maung nih mipi leiah a dirmi cu thawngpang tha taktak a si. TCP

May be an image of 2 people and text

Thawngpang dang: Apoituk hringhran. Mipi rungvengtu PDF minung 18 cu ralhrang kawlralkap he an i kahnak ah an nunnak aliam e. Sagaing ramtthen Depayin Myone i, mipi rungveng kilkamhtu PDF le ralhrang kawlralkap i kahdohnak ruangah PDF lei in minung 18 an nunnak a liam tiah PDF lei in tuni July ni thum ah zapi theih in thawngthanh nak an tuah.

Nizan June nihnih thok in tuzing tiang ralhrang kawlralkap hna le PDF hna cu biatak tein kahdohnak a chuak. Hi i kahdohnak ah PDF lei in minung pakua an nunnak a liam i, a hnu ahcun a thimi hi an tam ngai cang i, cazin an langhtermi ahcun PDF lei in minung 18 an nunnak aliam pin ah hliamhma fak in a tuarmi hi minung pahra renglo an um tiah an langhter.

PDF le ralhrang kawlralkap i kahdohnak ah hin ralhrang kawlralkap hna cu minung 150 hrawnghrang hna cu an thlah tthan hna ruangah PDF lei cu cawlcanghnak ahar ngaingai ti a si. Culawng siloin kahdohnak ah ralhrang kawlralkap hna nih hriamnam ngangan in an kah hna caah a tubantukin minung 18 an nunnak aliamnak zong hi a si tiah an chim.

Hi konghe pehtlaiin PDF lei in hruaitu lutlai pakhat a simi nih a chim mi cu ralhrang kawlralkap pawl hmundang an kal hnu lawngah a thimi ruak hi kan lak khawh hna. Atu zong miruak kan kawl cuahmah lio hna asi i, fiang tein a thimi zat hi theih ahar ngaingai. Athimi hna hi meithal kahnak in an nunnak a liammi an si i, kahdohnak ruangah khua pasarih hna cu an zam hna tiah a chim. Ralkap lei in a thimi hi minung pali an si i, hliam a tuarmi hi minung pasarih hrawng an si tiah a chim.

Be the first to comment

Leave a Reply

Your email address will not be published.


*