THAWNG PANG THA TAKTAK RALHRANG ATHI MI HI VUN ZOH TA

Min Aung Hlaing hruaimi Council ralhraang nih uknak an lak hnu Karenni ramkulh ah khuami 221 an thi, kahdohnak ah council ralhraang 800 hrawng an thi cang i rammi ralkap 87 nih ram le miphun ca ah an nunnak an pek cang tiah Progressive Karenni People Force PKPF nih nihin, March 2 ah a thanh. Ralhraang Council nih uknak a lak hnu in February thla dih tiang raldohnak lei le ramkheel sining a tawinak in PKPF nih an chuah mi a si. Rammi a thi mi cu; duhlonak langhter lio ah 2, ralhraang nih a ruang phunphun in an thah mi 203, ralzaam nak in a thi mi 16, zapi fonh 221 an thi tiah a thanh.

Council ralhraang nih a ruang phunphun in hramhram in tlaih mi 220 an um tiah a thanh. Cu pin ah hriamnam i tlaih in Council ralhraang pawl dohnak ah a thi mi 87 an si tiah a tarlangh. Council ralhraang nih uknak lak hnu in KNDF, PDF le KNU tel in an i fonh dih i council ralhraang an doh hna hi a si. Karenni ram ah kahdohnak voi 187 a chuak i ralhraang lei 790 an thi i motor 26 nak tlawm lo a rawk tiah PKPF nih a thanh. Kahdohnak a fak i ralhraang lei nih vanlawng in 69 an kah hna tiah an thanh.

Council ralhraang nih vanlawng in kahnak ruang, hriamngan in kah ruang ah le hramhram in meikhangh ruang ah Karenni ram ah khuami inn 650 deng le biaknak lei he pehtlai mi inn 10 a rawk tiah an chim. Kahdohnak a chuahnak hmunhma hna cu Hpasaung, Moebye, Bawlakhe, Demoso, Loikaw, Pekhon, Pinlaung hna an si i Demoso le Liokaw hmunhma ahhin kahdohnak tam a chuahnak a si.Crd: TheHakhaPost

Be the first to comment

Leave a Reply

Your email address will not be published.


*