Tang Sarih A Kai Lio Mi Ngakchia Pa Nih SAC Ralkap Pakhat Nam In A Sawh

Pago ramáš­hen, Pyi pengkomh, Hmawza khuakomh ah sianginn humhimnak a latu SAC ralkap pakhat cu tang sarih siangngakchia pa nih nam in a sawh i, siangngakchia pa cu a zaam. A zaam lio ah ralkap nih meithal in an kah caah hliamhma fak ngai a pu, tiah theih a si.

Hmawza khuakomh sianginn ah humhimnak a latu ralkap pa cu runvennak thilri chuahnak sehzung in Aung Myint Myat a si. Nam sawhtu ngakchia pa cu ralkap nih an kah i an tlaih, tiah tualchung mi pakhat nih a chim. Ralkap pa cu a ban ah a sawh. Ngakchia pa cu meithal hma a put caah sii-inn a phan, tiah a chimchap.

SAC ralkap pawl nih ngakchia pa cu an dawi i an kah caah a dang siangngakchia hna zong a himnak ah an zaam. Nam sawhtu ngakchia pa cu a thih le thih lo hngalh a si rih lo. SAC ralkap kut civil mi a thimi cu 2145 an si cang i, tlaih a tongmi hi minung 11865 tiang an phan cang, tiah thongtla zongkhenhtu phu AAPP nih nizan August 2 ah an langhter. Crd; The Chin Post

Be the first to comment

Leave a Reply

Your email address will not be published.


*