TAMTUK AN HMUH MANH, RALHRANG NIH DOTTHLETNAK AN TUAH CANG HNA

NUG lottery ticket a zuarmi adih colh. Nikhat chungah zuar ding an timi suimilam pakhat hnih ah a dih colh. Hi konghe pehtlaiin thanhnak an tuahmi cu Suimilam pakhat le cheu chungah nikhat i kan zuar lai timi cu zuar dih a si. Nidang zongah thaazaang rak pe tthan ulaw tiah NUG nih Lottery ticket an zuarnak website ah an langhter. Hi konghe pehtlaiin nawlngeitu atanglei bangin a chim.

NUG tangah project, Finance le Investment lei Ministry ah Union Minister a simi U Tin Thun nih a chimmi cu tuni cu pilot project caah a hmasa bik asi i, ticket thong sawmnga hrawng lawng zuar dingin kan i timhlamh i, ticket pakhat ah hin thonghnih a sibantuk in ting thongkhat man kan zuar khawh. Nidang ahcun fawitein cawk khawh ding le mah tam in zuar khawh kan i zuam lai.

Ralhrang kawlralkap hna nih nawlngeihnak an lak mi an kaltak hlan cu hi Lottery hi zuar kan i tim i, mipi lei zong nih lungsau tein mah pumpak him dingin le pehtlaihnak rak kan tuah peng hram uh tiah kan sawm hna tiah a chim. Mah ticket an zuarmi hi pakhat ah thonghnih an hauh i, minung pakhat nih ticket sawmnga tiang cawk khawh asi i, a tlawmbik ah ticket panga zongin cawk khawh asi.

Tutan ah NUG lottery in an hmuhmi tangka hi zakhat sawmsarih cu CDM tuahmi cozah rianttuantu hna caah hman a si lai i, zakhat ah sawmthum cu ticket a poh mi hna nih an i lak dingmi a si. Hi konghe pehtlaiin ralhrang kawlralkap hna nih Central Bank cu lottery ticket tangka he pehtlaihnak a ngeimi hna cu thatein dotthletnak nan tuah lai tiah ralrinnak an rak pek ve hna.

NUG nih online hmangin ticket a zuarmi a si caah pumpak hna nih an bank an hmanning siseh online banking system, an tangka chuahnak le an hmannak tibantuk vialte thatein ngiatthlainak nan tuah hna lai, hi ticket cawknak ah lunghrinhmi an um a si ahcun theihternak nan tuah lai tiah ralhrang kawlralkap hna nih Central Bank hna cu thanhnak an tuah hna.

Relchih Thawngpang dang. Chin Harsa Ralzam. Chin Ramkulh um Chin harsa hna caah Bawipa thawng in ting 68 leng man eidin, niphuan, sii, Mask le Hand sanitizers Bawmhnak kan pek khawh hna. A kan hlu tu IBC cungah lawmhnak tampi kan ngei. Bawipa nih thlachuahnak pe zungzal ko hna seh. Bawipa thawng in Chin Harsa Ralzam caah bawmhnak kan pe hi voi 9 nak asi cang.

Paletwa( Sami) ah voi 3, Mindat ah voi 3, Malaysia ah voi 1 (ting 100 leng man) le Yangon Chin Ralzam ah voi 2 an si. Chin Ralzam hna lak ah harsa bik mi hna cu Malaysia Chin Ralzam asi tiah 2020 tiang cu ka rak chim tawn nain atu cu Ka dam man Bawipa caah le harsa mi unau hna caah si seh, Credit: Uk Ling Thang, CBMM

Be the first to comment

Leave a Reply

Your email address will not be published.


*