SUU KYI LE HRINGTU A PA KONGLAM THANH NAK AN TUAH CANG

General Aung San tuanbia zukcawl in an thlak cang lai. Hi konghe pehtlaiin thanhnak an tuahmi cu General Aung San fanu sin in uknak an chuh ko nain a pa tuanbia kong cu muici an thlak lai. Mipi thimmi party sin in uknak lak hnu ah Aung San Suu Kyi cu a inn ah thong an thlak in pohmah phun kip in taza an cuai len ko nain a pa General Aung San I a nun lio a tuanbia kong cu muici kan thlak lai tiah ralkap lei nih thawng an thanh.

Hi konghe pehtlaiin Ralhrang Kawl Ralkap lei nih rian an kinhmi biaknak lei vuanci U Ko Ko le muici ah a tal ding mi siseh History lei thiam sang pawl cu May ni 16 ah Yangon National Museum ah meeting an tuah. Hi muici thlak ding in rian khinh a rak si mi le a tuanvo a rak la mi hna cu mipi nih thimmi biaknak lei vuanci Thura U Aung Ko le main director si mi Lu Min hna an si.

An pahnih ning in ralkap lei tanh lo in an doh caah tu lio cu ralkap nih thawng an thlak hna lio asi. Cun Aung San muici a tlamtlin nak ding caah biapi a si mi Director Za Ka Na le Director Min Htin Ko Ko Gyi hna zong thong chung ah an um lio asi. A tu cu Vuanci U Htun Ong le Director a rak tuan bal mi Pagyi Soe Moe hruainak in Aung San muici thlak nak cu peh ding in meeting ah cun bia khiah a si.

No description available.

Mipi zong nih hi muici hi zoh an duh. Cu caah ralkap lei nih a dih tiang in thlak law law ding in an i timh hi asi. Tam deuh hi cu Lu Min um lio ah khan an rak I thla dih cang nain a tang mi tete tu peh lawlaw ding a si lai tiah meeting ah a kai ve mi pakhat nih a chim. Thazang tampi chuah in ser mi muici si caah mipi zong nih an duh ko lai. Mipi nih an hlam len mi documentary asi tiah a chim chih.

No description available.

Aung San nun lio tuanbia kong thlak ding in 2010 Aung San Su Kyi inn thong in a luat hnu ah muici sertu pawl he ton in biachahnak an rak tuah mi asi. 2012 lio ah Suu Kyi nih commitee a rak serpiak hna I Min Htin Ko Ko Kyi, Wyne, Htun Eaindra Po, Director Ei Ei Khine, Za Ka Na, Lu Min le Zin Wyne tiin riantuan tu rak thim an si. 2015 ah mipi sin chuah khawh ding in rak timh tuah asi ko nain harnak dang tete ruangah a tu tiang chuah khawh a si rih lo nak asi. A tu cu 90% hrawng cu lim dih a si cang tiah a chim chap.

No description available.

Thawngpang dang relchih:Ralhrang Kawl Ralkap lei nih Mindat khua chung ah ningcang loin meithal an puah len caah hngakchia pakhat a hnawng ah an khen. Tuni May thla ni 17 zinglei ah Mindat khuachung ah ralhrang kawl ralkap pawl nih ningcang loin meithal an puah len caah inn chung ah a um ko mi zeisualnak pakhat zong a ngei lomi hngakchia pakhat a hngawng ah an khen I hliamhma a pu.

Hngakchia nute konghe pehtlaiin thanhnak an tuah mi cu Aa hliam mi hi a fah le fah lo cu fiang in theih khawh asi rih lo. Khuachung ah mipi le ralkap kah nak um ti lo nain ralkap lei nih hmunkip ah I chawh I meithal an puah len pin ah dawr le bazaar inka hna cu an hrawh hna I thil an fir len tiah Mindat khuami pakhat sin in theih asi. May ni 15 ah ralkap le PDF lei ah kahdoh nak a rak um nain mipi an tem tuk sual la tiah CDF nih hnu an rak pil piak hna.

Be the first to comment

Leave a Reply

Your email address will not be published.


*