SAC Ralkap Nih Khuami Nu Pakhat An Tleihhrem Pin Ah An Thah Beh

Magway ramṭhen, Seikphyu peng, Pai khuanu Ma Hnin Wai (kum 37) cu a vapa he July 9 zaanlei ah an umnak lo thlaam chungin khua chungah an zuatmi saṭil pawl rawlpek dingin an kal lioah tlaih an tong. Khua tlanglei luhnak ah a thupmi SAC ralkap pawl nih a langhlat in meithal in an kah hna i a vapa cu a zaam manh ko nain an nu belte cu an tlaih tiah theih a si. July 10 ah M Hnin Wai cu an tlaihhrem i an thah beh hnuah a ruak cu khua chungah kan hmun ṭhan tiah a vapa Ko Naing Win nih RFA ah a chim.

Thawngdang – Paletwa peng fimcawnnak phu hruainak in caan karlak awnmi mipi sianginn pawl cu Paletwa peng chung khuate 60 lengah July thla thok in awn a si cang i a hleikhun in cacawnnak thilrii pawl an har tuk tiah Paletwa peng fimcawnnak phu hruaitu nih a chim. “Sianginn ah hman ding thilri pawl, cacawnnak caah a herhmi cauk thok in zeihmanh kan tuah piak kho hna lo. Atu hmanh hi ukpi (text book) pawl cu pahnih/thum fonh in kan zohter hna. Sianginn thuam hrim cu a um bak ti lo. Atu cu inn umnak thil sawhsawh in kan kaiter hna” tiah Khonumthung Burmese ah a chim.

Atutiang cu Primary le Middle School tiang lawng dirh khawh rih a si i siangcachim 160 nih siahngakchia 500 hrawng cachimh a si tiah theih a si. Siahngakchia ca a chimmi pawl hi Paletwa peng chung mi (Voluntary) pawl an si i siangcachim training hi a sithiamnak in pek a si tiah theih a si. Siangcachim caah retheih man 50,000ks cio pek ding in timhtuah a si ko nain tangka lei chanbaunak ruangah 10,000 lawng pek khawh an si tiah Paletwa peng fimcawnnak tlangtlatu phu rianngeitu nih a chim.

“Siangcachim pawl hi 50,000ks cio pek ding in kan i ruah ko nain a tlamtlin lo caah minung pakhat ah 10,000 lawng kan bawmh khawh rih hna” tiah Khonumthung Burmese ah a chim. Cubantuk in Paletwa peng fimcawnnak tlangtlatu phu hruainak in Mizoram, Lawngtlai pengkomh chung ralzaam camp 10 ah awnmi sianginn pawl zongah bawmhnak le cacawnnak thilri pawl an herh rih tiah theih a si. Crd; The Chinland Post

Be the first to comment

Leave a Reply

Your email address will not be published.


*